ନୂଆଦିଲ୍ଲୀ: ଆସନ୍ତା 19 ତାରିଖରୁ 2 ଦିନିଆ ବିଦେଶ ଗସ୍ତରେ ଯିବେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ । 19 ଓ 20 ତାରିଖ ଦୁଇ ଦିନ ଧରି ଇଜିପ୍ଟ ଗସ୍ତରେ ଯିବେ ରାଜନାଥ ।
ଏହି ଦୁଇ ଦିବସୀୟ ଗସ୍ତ ଅବସରରେ ପ୍ରତିରକ୍ଷା ମନ୍ତ୍ରୀ ନିଜ ପ୍ରତିପକ୍ଷ ତଥା ଇଜିପ୍ଟ ପ୍ରତିରକ୍ଷା ମନ୍ତ୍ରୀ ଜେନେରାଲ ମହମ୍ମଦ ଜାକିଙ୍କ ସହ ଦ୍ବିପାକ୍ଷିକ ଆଲୋଚନା କରିବେ । ଏହି ଆଲୋଚନା ବୈଠକରେ ଉଭୟ ଦେଶର ଦ୍ବିପାକ୍ଷିକ ସମ୍ପର୍କର ସମୀକ୍ଷା ହେବ । ପ୍ରତିରକ୍ଷା କ୍ଷେତ୍ରରେ କରାଯାଇଥିବା ବିଭିନ୍ନ ଚୁକ୍ତି ଓ ନିବେଶର ମଧ୍ୟ ସମୀକ୍ଷା କରିବେ ଉଭୟ ପ୍ରତିରକ୍ଷା ମନ୍ତ୍ରୀ । ଏତଦ୍ ବ୍ୟତୀତ ନୂଆ ରଣନୀତି , ବୈଷୟିକ ଜ୍ଞାନ କୌଶଳର ଆଦାନ ପ୍ରଦାନ, ସାମରିକ ଅଭ୍ୟାସ, ସାମିରକ ସହଯୋଗ ଭଳି ପ୍ରସଙ୍ଗରେ ଆଲୋଚନା ହେବ ।
ଏହାସହ ସାମିରକ କ୍ଷେତ୍ର ସହ ଜଡିତ କିଛି ଚୁକ୍ତି ମଧ୍ୟ ହେବ । ପରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଇଜିପ୍ଟ ରାଷ୍ଟ୍ରପତି ଅବଦ୍ଦେଲ ଫତାହ ଅଲ- ସିସିଙ୍କୁ ସାକ୍ଷାତ କରିବେ ।
