ମାଙ୍ଗାଲୁରୁ: ସାମ୍ପ୍ରଦାୟିକ ହିଂସା ଚାଲିଥିବା ସମୟରେ ଶାନ୍ତି ଏବଂ ସୌହାର୍ଦ୍ଦ୍ୟର ଉଦାହରଣ ସୃଷ୍ଟି କଲେ ହିନ୍ଦୁ ଯୁବକ । ମୁସଲିମ ସମ୍ପ୍ରଦାୟର ବନ୍ଧୁଙ୍କ ପାଇଁ ବିବାହରେ ସ୍ବତନ୍ତ୍ର ଆୟୋଜନ କରିଛନ୍ତି ହିନ୍ଦୁ ସମ୍ପ୍ରଦାୟର ଯୁବକ ଜଣକ ! ରମଜାନ ଚାଲିଥିବାରୁ ସ୍ବତନ୍ତ୍ର ଭାବେ ଇଫତାର ପାର୍ଟିର ଆୟୋଜନ କରିଛନ୍ତି ।
କର୍ଣ୍ଣାଟକର ଦକ୍ଷିଣ କନ୍ନଡ ଜିଲ୍ଲାରେ ଦେଖିବାକୁ ମିଳିଛି ଏପରି ଏକ ଘଟଣା । ନବ ବିବାହିତ ହିନ୍ଦୁ ଯୁବକ ଜେ ଚନ୍ଦ୍ରଶେଖର ମୁସଲିମ ସମ୍ପ୍ରଦାୟର ବନ୍ଧୁଙ୍କ ପାଇଁ ମସଜିଦରେ ଇଫତାର ପାର୍ଟିର ଆୟୋଜନ କରିଛନ୍ତି । ରମଜାନ ଚାଲୁ ରହିଥିବାରୁ ଚନ୍ଦ୍ରଶେଖରଙ୍କ ବିବାହ ସମାରୋହରେ ମୁସଲିମ ସମ୍ପ୍ରଦାୟ ଯୋଗ ଦେଇ ପାରିନଥିଲେ । ଫଳରେ ସେ ଏହି ପାର୍ଟିର ଆୟୋଜନ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
