ସିଲଂ: ମେଘାଳୟକୁ ଦୁଇ ଦିନିଆ ଗସ୍ତ କରିବେ ଲୋକସଭା ବାଚସ୍ପତି ଓମ ବିର୍ଲା । ଫେବୃଆରୀ 25 (ଆସନ୍ତାକାଲି )ଓମ ବିର୍ଲାଙ୍କ ଏହି ଗସ୍ତ କାର୍ଯ୍ୟକ୍ରମ ରହିଛି । ତେବେ ଏହି ଗସ୍ତ ସମୟରେ ସେ ମେଘାଳୟ ବିଧାନସଭାର ବିଧାୟକମାନଙ୍କୁ ସମ୍ବୋଧିତ କରିବାର କାର୍ଯ୍ୟକ୍ରମ ମଧ୍ୟ ରହିଛି । ଲୋକସଭା ବାଚସ୍ପତି ଦୁଇ ଦିନିଆ ଗସ୍ତରେ ମେଘାଳୟ ଗସ୍ତ କରୁଛନ୍ତି ।
ଆସନ୍ତାକାଲି ବାଚସ୍ପତି ମେଘାଳୟ ବିଧାନସଭା ପରିସରରେ ପହଞ୍ଚିବା ପରେ ତାଙ୍କୁ ପରମ୍ପରା ଅନୁଯାୟୀ ଗାର୍ଡ ଅଫ ଅନର ପ୍ରଦାନ କରାଯିବ । ପରେ ସେ ରାଜ୍ୟ ବିଧାନସଭାର ନୂତନ ବିଲ୍ଡିଂର ନିର୍ମାଣ ସ୍ଥାନ ପରିଦର୍ଶନ କରିବେ ବୋଲି କାର୍ଯ୍ୟସୂଚୀ ସ୍ଥିର କରାଯାଇଛି । ପରେ ସେ ବିଧାନସଭା ଗୃହରରେ ବିଧାୟକଙ୍କୁ ସମ୍ବୋଧନ କରିବାର କାର୍ଯ୍ୟକ୍ରମ ରହିଛି
ସେହିପରି ବାଚସ୍ପତି ବିର୍ଲା ମେଘାଳୟର ତଥା ଅନ୍ୟାନ୍ୟ ଉତ୍ତର-ପୂର୍ବ ରାଜ୍ୟଗୁଡିକର ସ୍ଥାନୀୟ ସଂସ୍ଥା ପାଇଁ 'ଆଉଟରିଚ୍ ଏବଂ ଫାମିଲାରିସେସନ’ କାର୍ଯ୍ୟକ୍ରମ' ଉଦ୍ଘାଟନ ମଧ୍ୟ କରିବେ |ଏହି କାର୍ଯ୍ୟକ୍ରମରେ ମେଘାଳୟର ମୁଖ୍ୟମନ୍ତ୍ରୀ କନରାଡ କେ ସାଙ୍ଗମା, କେନ୍ଦ୍ର ମନ୍ତ୍ରୀ ରମେଶ୍ବର ଟେଲି ଏବଂ ଅନ୍ୟ ବିଶିଷ୍ଠ ବ୍ୟକ୍ତି ମାନେ ମଧ୍ୟ ଉପସ୍ଥିତ ରହିବାର କାର୍ଯ୍ୟକ୍ରମ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
