ନୂଆଦିଲ୍ଲୀ: କୋରୋନା ମହାମାରୀ ଯୋଗୁଁ ଏଥର ବି ବାର୍ଷିକ ହଜ ତୀର୍ଥଯାତ୍ରା ବାତିଲ ହେଲା । ହଜ 2021 ପାଇଁ ହୋଇଥିବା ସମସ୍ତ ଆବଦେନ ରଦ୍ଦ କରିଛି କମିଟି । କମିଟିର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (CEO) ଡ. ମକସୁଦ ଅହମଦ ଖାନ (Dr Maqsood Ahmed Khan) ଏ ନେଇ ସୂଚନା ଦେଇଛନ୍ତି ।
ସେ କହିଛନ୍ତି , ବାର୍ଷିକ ହଜ୍ ଯାତ୍ରା ପାଇଁ ଏଥର ସାଉଦି ଆରବ ସରକାର ଅନ୍ତରାଷ୍ଟ୍ରୀୟ ହଜ୍ ରଦ୍ଦ କରିଦେଇଛନ୍ତି । ଏଥିଯୋଗୁଁ ଭାରତରୁ ହଜ୍ ପାଇଁ ଯାଉଥିବା ସମସ୍ତ ଲୋକଙ୍କ ଆବେଦନ ରଦ୍ଦ ହୋଇଛି ।
ସର୍କୁଲାରରେ କୁହାଯାଇଛି ସାଉଦି ଆରବ ପକ୍ଷରୁ ଏକ ବିବୃତ୍ତି ଜାରି କରି କୁହାଯାଇଛି କି, କୋରୋନା ମହାମାରୀ ଯୋଗୁଁ ଉପୁଜିଥିବା ସ୍ଥିତିକୁ ଦୃଷ୍ଟିରେ ରଖି 2021 ରେ ହଜରେ ସୀମିତ ସଂଖ୍ୟକ ଲୋକ ସାମିଲ ହୋଇପାରିବେ । ଯେଉଁମାନେ କି କେବଳ ସାଉଦି ଆରବର ହୋଇଥିବେ । ଏଭଳି ସ୍ଥିତିରେ ହଜ କମିଟି ଅଫ ଇଣ୍ଡିଆ (Haj Committee of India) ହଜ 2021 ର ସମସ୍ତ ଆବେଦନ ରଦ୍ଦ କରିଦେଇଛି ।
ଏହା ପୂର୍ବରୁ ଜୁନ 12 ରେ ସାଉଦି ଆରବ କହିଥିଲା କି , କୋରୋନା ଭାଇରସ ମହାମାରୀ ମଧ୍ୟରେ ଏ ବର୍ଷ 60 ହଜାରରୁ ଅଧିକ ଲୋକଙ୍କୁ ହଜ୍ ଅନୁମତି ମିଳିବ ନାହିଁ । ସମସ୍ତ ଲୋକ ସ୍ଥାନୀୟ ରହିବେ ।
ଏ ବର୍ଷ ହଜ୍ ଜୁଲାଇର ମଧ୍ୟରୁ ଆରମ୍ଭ ହେବ । ଏଥିରେ 18 ରୁ 65 ବର୍ଷୀୟ ଲୋକ ଯୋଗ ଦେଇପାରିବେ । ତେବେ ମନ୍ତ୍ରାଳୟ କହିଥିଲା କି ହଜ୍ ଯାତ୍ରୀଙ୍କ ପାଇଁ ଟିକା ନେବା ବାଧ୍ୟତାମୂଳକ ।
