ମୁମ୍ବାଇ: ଟନେଲରେ ଦୁର୍ଘଟଣାଗ୍ରସ୍ତ ହେଲା ରାଜଧାନୀ ଏକ୍ସପ୍ରେସ । ଅଳ୍ପକେ ବର୍ତ୍ତିଲେ ଯାତ୍ରୀ । ଦିଲ୍ଲୀରୁ ଗୋଆ ଅଭିମୁଖ୍ୟେ ଯାତ୍ରା କରୁଥିବା ହଜରତ ନିଜାମୁଦ୍ଦିନ ମାଡଗାଓଁ ରାଜଧାନୀ ଏକ୍ସପ୍ରେସ ଆଜି ସକାଳ 4ଟା ସମୟରେ ମହାରାଷ୍ଟ୍ର ରତ୍ନଗିରିର ଏକ ଟନେଲରେ ଲାଇନଚ୍ୟୁତ ହୋଇଛି ।
ମୁମ୍ବାଇ ଠାରୁ ପ୍ରାୟ 325 କିଲୋମିଟର ଦୂରରେ ଥିବା ଉକ୍ସି ଏବଂ ଭୋକ୍ ମଧ୍ୟରେ ଥିବା ରତ୍ନଗିରି ନିକଟସ୍ଥ କାରବୁଡେ ଟନେଲ ଭିତରେ ଟ୍ରେନ୍ ଲାଇନଚ୍ୟୁତ ହୋଇଛି । ତେବେ କେହିବି ଯାତ୍ରୀ ଏଥିରେ ଆହତ ହୋଇଥିବା ଖବର ଆସିନାହିଁ । ଏହି ଦୁର୍ଘଟଣା ହେତୁ କୋଣାର୍କ ରେଳ ଲାଇନରେ ଯାତାୟାତ ବନ୍ଦ ହୋଇଯାଇଛି ଏବଂ ଯୁଦ୍ଧକାଳୀନ ଭିତ୍ତିରେ ଟ୍ରାଫିକକୁ ପୁନଃ ଆରମ୍ଭ କରିବାକୁ ଉଦ୍ୟମ ଚାଲିଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
