ଜୋଶିମଠ/ଡେରାଡୁନ: ଉତ୍ତରାଖଣ୍ଡର ବିପର୍ଯ୍ୟୟକୁ ନେଇ ଇଟିଭି ଭାରତ ସହ ଆଲୋଚନା କରିଛନ୍ତି ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ତ୍ରିଭେନ୍ଦ୍ର ସିଂ ରାୱତ । ଘଟଣା ବିଷୟରେ ସୂଚନା ଦେଇ ମୁଖ୍ୟମନ୍ତ୍ରୀ କହିଛନ୍ତି, ଲୋକଙ୍କ ଜୀବନ ବଞ୍ଚାଇବା ଆମର ପ୍ରାଥମିକତା । ଏହା ସହ ଜଳ ପ୍ରଳୟର କାରଣ ହିମସ୍ଖଳନ ନୁହେଁ ବୋଲି ତିଭେନ୍ଦ୍ର ସ୍ପଷ୍ଟ କରିଦେଇଛନ୍ତି ।
ସିଏମ ତ୍ରିଭେନ୍ଦ୍ର ସିଂ କହିଛନ୍ତି, ବିପର୍ଯ୍ୟୟର କାରଣ ଅନୁସନ୍ଧାନ ପାଇଁ ଭାରତ ସରକାର କିଛି ବୈଜ୍ଞାନିକଙ୍କୁ ପଠାଇଛନ୍ତି । ବୈଜ୍ଞାନିକମାନେ ଘଟଣାର ଟିକନିକ ତର୍ଜମା କରୁଛନ୍ତି । ଗ୍ଲାସିୟର ଫାଟିବା ଯୋଗୁଁ ଜଳପ୍ରଳୟ ସୃଷ୍ଟି ହୋଇନଥିବା ମୁଖ୍ୟମନ୍ତ୍ରୀ ପୁଣି ଥରେ ସ୍ପଷ୍ଟ କରିଛନ୍ତି । ତାଜା ବରଫ ଓ ଭୂକମ୍ପ ଯୋଗୁଁ ପ୍ରଳୟ ଦେଖାଦେଇଛି । 14 ବର୍ଗ କିଲୋମିଟରର ଏକ ତାଜା ବରଫ ଖଣ୍ଡ ପଡିଥିଲା। ଯାହା ତରଳି ସଂକୀର୍ଣ୍ଣ ରାସ୍ତା ଦେଇ ପାଣି ବୋହି ଆସିଥିଲା ।
ଏପରି ଘଟଣାର ଗତିବିଦ୍ଧି ଓ ଆଗୁଆ ଜାଣି ହେବ ନାହିଁ ସେନେଇ ବୈଜ୍ଞାନିକମାନଙ୍କୁ ଚିହ୍ନଟ କରିବାକୁ ସିଏମ କହିଛନ୍ତି । ସମସ୍ତେ ଭିନ୍ନ ଭିନ୍ନ ଅନୁମାନ ଲଗାଇଛନ୍ତି । ତେବେ ଏହାର ବାସ୍ତବିକ ଠୋସ ପ୍ରମାଣ ଖୋଜିବାକୁ କୁହାଯାଇଛି । ଭବିଷ୍ୟତରେ ପ୍ରାରମ୍ଭିକ ଆଲାର୍ମ ସିଷ୍ଟମ ବିକାଶ କରିବା ଭଳି ସମ୍ଭାବନା ଦିଗରେ କାର୍ଯ୍ୟ କରିବାକୁ କୁହାଯାଇଛି ।
ଏଥି ସହିତ, ତପୋବନ ପାୱାର ଜଙ୍କସନ ସମ୍ପର୍କରେ ସିଏମ କହିଛନ୍ତି ଯେ, ଏହି ପାୱାର ଜଙ୍କସନ ଏପର୍ଯ୍ୟନ୍ତ ଆରମ୍ଭ ହୋଇନଥିବା ବେଳେ ଋଷିଗଙ୍ଗା ପ୍ରକଳ୍ପ ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ଭବିଷ୍ୟତରେ କ’ଣ ହେବ ତାହା ଦେଖାଯିବ | ଋଷି ଗଙ୍ଗା ପ୍ରକଳ୍ପ ପ୍ରସ୍ତୁତ ହେବାକୁ ଏକ ଦଶନ୍ଧିରୁ ଅଧିକ ସମୟ ଲାଗିଥିଲା | ତେବେ ବିପର୍ଯ୍ୟୟ ହେତୁ ସମସ୍ତ ପ୍ରକାରର ସମସ୍ୟା ରହିଛି | ଏହି ସମୟରେ, ଲୋକଙ୍କୁ କିପରି ବଞ୍ଚାଇ ପାରିବେ ସେନେଇ ଚିନ୍ତା ପ୍ରକଟ କରିଥିଲେ ମୁଖ୍ୟମନ୍ତ୍ରୀ। ସେପଟେ, ବିପର୍ଯ୍ୟୟରେ ଆହତଙ୍କୁ ଡାକ୍ତରଖାନାରେ ଭେଟି ତାଙ୍କର ସ୍ବାସ୍ଥ୍ୟବସ୍ଥା ପଚାରି ବୁଝିଥିଲେ । ଆଜି ବି ଘଟଣାସ୍ଥଳରୁ ପୀଡିତଙ୍କୁ ଉଦ୍ଧାର କାର୍ଯ୍ୟ ଜାରି ରହିଛି ବୋଲି ସିଏମ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
