ନୂଆଦିଲ୍ଲୀ: ପଞ୍ଜାବ ବିଧାନସଭା ନିର୍ବାଚନରେ ବିପୁଳ ଭୋଟରେ ବିଜୟ ପରେ ଏବେ ଆପ୍ର ନଜର ଗୁଜରାଟ ଉପରେ । ଡିସେମ୍ବରରେ ଗୁଜୁରାଟ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଥିବାବେଳେ ଏହାକୁ ଦୃଷ୍ଟିରେ ରଖି ଏବେ ଘନ ଘନ ଗୁଜୁରାଟ ଗସ୍ତ କରୁଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ । ଆସନ୍ତାକାଲି ଗୁଜୁରାଟ ଗସ୍ତରେ ଯାଇ ମେହେସାନଠାରେ ଏକ ତ୍ରିରଙ୍ଗା ରାଲିରେ ଯୋଗ ଦେବେ ଦିଲ୍ଲୀ ମୁଖ୍ୟମନ୍ତ୍ରୀ ।
ଏନେଇ ରାଜ୍ୟ ଆପ୍ ମୁଖ୍ୟ ସୂଚନା ଦେଇଛନ୍ତି । ଗତ ୩ ମାସ ମଧ୍ୟରେ ଏହା କେଜ୍ରିଓ୍ବାଲଙ୍କ ଚତୁର୍ଥ ଗୁଜରାଟ ଗସ୍ତ ହେବ । ତେବେ ଏହା ପୂର୍ବରୁ ସେ ଗୁଜୁରାଟ ଗସ୍ତ କରି ଆଦିବାସୀ ସମୁଦାୟ ରାଲିରେ ଯୋଗ ଦେଇଥିଲେ । ସୋମବାର ଅପରାହ୍ନରେ ଅହମ୍ମଦାବାଦ ବିମାନବନ୍ଦରରେ ପହଞ୍ଚିବା ପରେ ସନ୍ଧ୍ୟା ୫.୩୦ରେ ମେହସାନାରେ ଆୟୋଜିତ ରାଲିରେ ଯୋଗଦେବେ । ଏହି ରାଲିରେ ୨୦ ହଜାରରୁ ଅଧିକ ଜନସାଧାରଣ ଯୋଗଦେବାକୁ ଥିବା ବେଳେ ବହୁ ବରିଷ୍ଠ ବ୍ୟକ୍ତି ଓ ଆପ୍ କର୍ମୀ ସାମିଲ ହେବେ ।
