ନୂଆଦିଲ୍ଲୀ: ବିଶ୍ବର ଶକ୍ତିଶାଳୀ ରାଷ୍ଟ୍ର ଆମେରିକାର କ୍ଷମତା ପରିବର୍ତ୍ତନ ପରେ ପ୍ରଥମ ଥର ଭାରତ ଆସୁଛନ୍ତି ଶୀର୍ଷ ବାଇଡେନ ପ୍ରଶାସନିକ ଅଧିକାରୀ । ମାର୍ଚ୍ଚ 19ରେ ଭାରତ ଆସିବେ ଆମେରିକାର ପ୍ରତିରକ୍ଷାମନ୍ତ୍ରୀ ଲୋୟଡ ଅଷ୍ଟିନ ।
ଆମେରିକା ପ୍ରତିରକ୍ଷାମନ୍ତ୍ରୀ ଅଷ୍ଟିନ ନିଜ ଭାରତ ଗସ୍ତ ସମୟରେ ଦେଶର ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲଙ୍କୁ ଭେଟିବାର ରହିଛି କାର୍ଯ୍ୟକ୍ରମ । ଅଷ୍ଟିନ ଓ ଡୋଭାଲଙ୍କ ଏହି ସାକ୍ଷାତକାର ସମୟରେ ଚୀନ ଓ ଗୁରୁତ୍ବପୂର୍ଣ୍ଣ ଆଞ୍ଚଳିକ ସୁରକ୍ଷା ମାମଲା ଉପରେ ହୋଇପାରେ ବୃହତ ଆଲୋଚନା ।
ସରକାରୀ ସୂତ୍ରରୁ ସୂଚନା ଅନୁଯାୟୀ, ଆମେରିକାର ପ୍ରତିରକ୍ଷାମନ୍ତ୍ରୀ ଏନଏସଏ ଅଜିତ ଡୋଭାଲଙ୍କୁ ଶୁକ୍ରବାର ଭେଟିବେ ବୋଲି ଜଣାପଡିଛି । ଏହି ସମୟରେ ଚୀନ ଓ ଆଞ୍ଚଳିକ ସୁରକ୍ଷା ଉପରେ ଆଲୋଚନା ହେବ ।
