ନୂଆଦିଲ୍ଲୀ: ମହାରାଷ୍ଟ୍ରରେ ହନୁମାନ ଚାଳିଶା ପଠନ ବିବାଦ । ରାଣା ଦମ୍ପତିଙ୍କୁ ଭେଟିଲେ ବିଜେପିର ବରିଷ୍ଠ ନେତା । ସାଂସଦ ନବନୀତ ରାଣା ଓ ବିଧାୟକ ପତି ରବି ରାଣାଙ୍କୁ ଭେଟିଲେ ବରିଷ୍ଠ ବିଜେପି ନେତା କିରିଟ ସୋମୟା(Kirit Somaiya) ଓ ଗୋପାଳ ସେଟ୍ଟୀ ( Gopal Shetty ) ।
ହନୁମାନ ଚାଳିଶା ପଠନ ବିବାଦ ନେଇ ଚର୍ଚ୍ଚାକୁ ଆସିଥିଲେ ସାଂସଦ ନବନୀତ ରାଣା ଓ ବିଧାୟକ ପତି ରବି ରାଣା । ତେବେ ଉଭୟ ନେତା ସାଂସଦଙ୍କ ବାସଭବନରେ ତାଙ୍କୁ ଭେଟିଛନ୍ତି । ଲୋକସଭା ବାଚସ୍ପତି ଓମ ବିର୍ଲାଙ୍କୁ ହନୁମାନ ଚାଳିଶା ପଠନ ବିବାଦକୁ ନେଇ ଚାଲିଥିବା ଘଟଣା ବିଷୟରେ ଅବଗତ କରିବା ପାଇଁ ଏ ଦମ୍ପତି ସୋମବାର ଦିଲ୍ଲୀରେ ପହଞ୍ଚି ଥିଲେ ।
ସୂଚନା ଅନୁସାରେ, ଗତ ଏପ୍ରିଲ ୨୩ରେ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ବାସଭବନ ଆଗରେ ହନୁମାନ ଚାଳିଶା ପାଠ କରିବା ଘୋଷଣା କରିଥିଲେ ଦମ୍ପତି । ହନୁମାନ ଚାଳିଶା ପାଠ କରିବା ଘୋଷଣା ପରେ ସୃଷ୍ଟି ହୋଇଥିବା ବିଶୃଙ୍ଖଳା ପାଇଁ ଉଭୟ ନେତାଙ୍କୁ ଦାୟୀ କରି ମୁମ୍ବାଇ ପୋଲିସ ଗିରଫ କରିଥିଲା । ଜାମିନ ଖାରଜ ହେବା ପରେ ଉଭୟଙ୍କୁ ୧୪ ଦିନିଆ ବିଚାର ବିଭାଗୀୟ ହାଜତକୁ ପଠାଇଥିଲେ କୋର୍ଟ। ପରେ ୪ ମେ ରେ ଉଭୟଙ୍କୁ ମୁମ୍ବାଇର ଏକ କୋର୍ଟରୁ ଜାମିନ ମିଳିଥିଲା । ତେବେ ନବନୀତ ଜେଲରୁ ମୁକ୍ତ ହେବା ପରେ ସ୍ବାସ୍ଥ୍ୟ ପରୀକ୍ଷା ପାଇଁ ମୁମ୍ବାଇର ଲିଳାବତୀ ହସ୍ପିଟାଲରେ ଭର୍ତ୍ତି ହୋଇଥିଲେ ।
