ଶ୍ରୀନଗର: ଦୁଇ ଜୈଶ-ଏ-ମହମ୍ମଦ ଆତଙ୍କବାଦୀ ଗିରଫ । ଜାମ୍ମୁ କାଶ୍ମୀରର କୁପୱାରା ଜିଲ୍ଲାର ଡ୍ରଗମୁଲ୍ଲା ଅଞ୍ଚଳରୁ ଦୁଇ ଜଣ ଜୈଶ-ଏ-ମହମ୍ମଦ ଆତଙ୍କବାଦୀଙ୍କୁ ଗିରଫ କରାଯାଇଛି। ଏନେଇ ଶୁକ୍ରବାର ଭାରତୀୟ ସେନା ସୂଚନା ଦେଇଛନ୍ତି ।
ସୂଚନା ଅନୁଯାୟୀ, ଜୈଶ-ଏ-ମହମ୍ମଦ ଆତଙ୍କବାଦୀମାନେ ଏକ କାରରେ ଯାତ୍ରା କରୁଥିବାବେଳେ ସେମାନଙ୍କୁ ଚେକ୍ ପୋଷ୍ଟରେ ଗୁରୁବାର ରାତିରେ ଅଟକାଇ ଗିରଫ କରାଯାଇଥିଲା। ତେବେ ସେମାନଙ୍କ ନିକଟରୁ ଗୋଟିଏ ଏକେ-47 ରାଇଫଲ, ଦୁଇଟି ଗ୍ରେନେଡ, 7 ଲକ୍ଷ ଟଙ୍କା ଏବଂ ଅନ୍ୟାନ୍ୟ ଅସ୍ତ୍ରଶସ୍ତ୍ର ଜବତ କରାଯାଇଛି।
ସେହିପରି ଗତ ମାସରେ ଭାରତୀୟ ସେନାର ଚିନାର କର୍ପସ କହିଥିଲେ ଯେ, କୁପୱାରାର ନଟନସା ନିକଟରେ ଥିବା ଏକ କଲଭର୍ଟରେ ସିଆରପିଏଫ ଯବାନଙ୍କ ଦ୍ୱାରା ଏକ ଆଇଇଡି ଚିହ୍ନଟ କରାଯାଇଥିଲା ।
