ରାୟପୁର: ଛତିଶଗଡ ସୁକୁମା ଜିଲ୍ଲାରେ ନକ୍ସଲ ଲିଙ୍କ ଅଭିଯୋଗରେ ଗିରଫ ହୋଇଥିବା ଏଏସଆଇ ସମେତ 2 ପୋଲିସକର୍ମୀଙ୍କ ବିରେୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯାଇଛି । ସେମାନଙ୍କୁ ନିଲମ୍ବିତ କରାଯାଇଥିବା ଶୁକ୍ରବାର ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି ।
ସୁକୁମାରେ ନିୟୋଜିତ ଥିବା ଏଏସଆଇ ଆନନ୍ଦ ଯାଦବ ଏବଂ ହେଡକନଷ୍ଟେବଳ ସୁଭାଷ ସିଂହଙ୍କୁ ଗତ 8 ତାରିଖରେ ଗିରଫ କରାଯାଇଥିଲା । ନକ୍ସଲଙ୍କୁ ଅସ୍ତ୍ରଶସ୍ତ୍ର ଯୋଗାଉଥିବା ଅଭିଯୋଗରେ ସେମାନଙ୍କୁ ଗିରଫ କରାଯାଇଥିଲା । ତେବେ ଜୁନ 10 ତାରିଖରେ ଉଭୟଙ୍କୁ ନିଲମ୍ବିତ କରାଯାଇଛି ।
ଗତ ସପ୍ତାହରେ ସୁକୁମା ପୋଲିସ ବସ୍ତର ଅଞ୍ଚଳରୁ 4 ଜଣ ସନ୍ଦିଗ୍ଧ ନକ୍ସଲଙ୍କୁ ଗିରଫ କରିଥିଲେ । ସେମାନଙ୍କ ନିକଟରୁ ବିପୁଳ ପରିମାଣର ଗୋଳାବାରୁଦ ଜବତ ହୋଇଥିଲା । ତେବେ ମାମଲାର ତଦନ୍ତ ସମୟରେ ଏହି ଗୋଳାବାରୁଦ ସେମାନଙ୍କୁ 2ଜଣ ପୋଲିସକର୍ମୀ ଯୋଗାଇଦେଇଥିବା ଜଣାପଡିଥିଲା । ଏହାପରେ ମାମଲାର ତଦନ୍ତ ପାଇଁ ଏସଆଇଟି ଗଠନ ହୋଇଥିଲା ।
ସୈଜନ୍ୟ: PTI
