ଶ୍ରୀନଗର: ଭାରତ-ପାକିସ୍ତାନ ସୀମା ଲାଇନ ଅଫ କଣ୍ଟ୍ରୋଲରେ ଅସ୍ତ୍ରବିରତି ଉଲ୍ଲଂଘନ ହୋଇଥିବା ନେଇ ଭାରତୀୟ ସ୍ଥଳସେନା ସୂତ୍ରରୁ ସୂଚନା ମିଳିଛି । ଜାମ୍ମୁ ଓ କାଶ୍ମୀରର ଉରି ସେକ୍ଟର ଠାରେ ଏହି ସିଜ ଫାୟାର ଉଲ୍ଲଂଘନ ହୋଇଥିବା ଜଣାପଡିଛି । ଏ ନେଇ ଭାରତୀୟ ସେନା ପକ୍ଷରୁ ପାକିସ୍ତାନକୁ କଡା ଜବାବ ଦେଇଛି । ଭାରତ ପକ୍ଷରୁ ହୋଇଥିବା ମୋଟାର ମାଡରେ ପାକିସ୍ତାନ ଆର୍ମି ପୋଜିସନରେ କ୍ଷୟକ୍ଷତି ହୋଇଥିବା ଜଣାପଡିଛି । ଅସ୍ତ୍ରବିରତି ଉଲ୍ଲଂଘନରେ ଭାରତୀୟ ସେନାର ଜଣେ ସୁବେଦାର ଶହୀଦ ହୋଇଥିବା ସୂଚନା ମିଳିଛି ।
ଅନ୍ୟପକ୍ଷେ ଘଟଣାରେ ପାକିସ୍ତାନ ସେନାର 2 ଯବାନଙ୍କ ମୃତ୍ୟୁ ହୋଇଥିବା ପାକିସ୍ତାନ ଆର୍ମି ସ୍ବୀକାର କରିଛି । ପିଓକେର ଦେଓ୍ବା ସେକ୍ଟରରେ ଏହି 2 ପାକିସ୍ତାନୀ ସେନାଙ୍କ ମୃତ୍ୟୁ ହୋଇଥିବା ଜଣାପଡିଛି ।
