ଡେରାଡୁନ: ସ୍ବିଡେନ ରାଜା କର୍ଲ ଗୁସ୍ତାଫ ଏବଂ ରାଣୀ ସିଲୱିୟା ଗୁରୁବାର ଉତ୍ତରାଖଣ୍ଡ ଗସ୍ତ କରିଛନ୍ତି । ସ୍ବତନ୍ତ୍ର ବିମାନ ଯୋଗେ ଜଲୀଗ୍ରାଣ୍ଟ ବିମାନ ବନ୍ଦରରେ ପହଞ୍ଚିଲେ ରାଜା-ରାଣୀ । ରାଜା କର୍ଲଙ୍କ ମନ୍ତ୍ରୀ ଧନ ରାୱତ ତାଙ୍କୁ ଭବ୍ୟ ସ୍ବାଗତ କରିଛନ୍ତି । ସେ ବିମାନ ବନ୍ଦରରେ କିଛି ସମୟ ରହିବା ପରେ ପାହାଡିଆ ଅଞ୍ଚଳକୁ ଭ୍ରମଣ କରି ଫଟୋ ଉତ୍ତୋଳନ କରିଛନ୍ତି ।
ସେଠାରୁ ସେମାନେ ସିଧା ଋଷିକେଶ ପହଞ୍ଚିଥିଲ । ଏଠାରେ ସେମାନେ ତୀର୍ଥନଗର ଭ୍ରମଣ କଲେ ଏବଂ ରାମଝୁଲା ଚାଲି ଚାଲି ଯାଇ ପାର ହେଲେ । ସ୍ବିଡେନର ରାଜା ଓ ରାଣୀ ଦୁଇ ଦିନିଆ କର୍ବେଟ ନ୍ୟାଶନାଲ ପାର୍କ ଭ୍ରମଣ କରିବାର କାର୍ଯ୍ୟକ୍ରମ ରଖିଛନ୍ତି । ଏହାକୁ ଦୃଷ୍ଟିରେ ରଖି 70 କିମି ଅଞ୍ଚଳ ଭିତରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି । ତେବେ ଆଜି ସେମାନେ ଢେଲା ରେଞ୍ଜରେ ରାତ୍ରି ଯାପନ କରିବେ । ଡିସେମ୍ବର 6 ତାରିଖରେ ଢେଲା ଏବଂ ଝିରନା ସଫାରୀ କରିବେ ।
