କାଜାଖାସ୍ତାନ: ବନ୍ଦେ ଭାରତ ମିଶନ ଅଧୀନରେ କାଜାଖାସ୍ତାନରୁ ଶନିବାର 132 ଭାରତୀୟ ଫେରିଛନ୍ତି । ଲକଡାଉନ ଯୋଗୁଁ ମଧ୍ୟ ଏସିଆ ଦେଶରେ ଫସିରହିଥିଲେ ଭାରତୀୟ । ସମସ୍ତେ ସ୍ବଦେଶ ଫେରିଥିବା କାଜାଖାସ୍ତାନରେ ଥିବା ଭାରତୀୟ ଦୂତାବାସ ସୂଚନା ଦେଇଛି ।
ସ୍ବତନ୍ତ୍ର ଏୟାର ଇଣ୍ଡିଆ ବିମାନରେ ଏମାନେ ନୂର ସୁଲତାନ ଏୟାରପୋର୍ଟରୁ ମଧ୍ୟାହ୍ନ 12ଟାରେ ବାହାରିଛନ୍ତି । ପ୍ରଥମ ଥର ଏହି ଏୟାରପୋର୍ଟରୁ ଭାରତୀୟ ଫେରିଛନ୍ତି । ପୂର୍ବରୁ କାଜାଖାସ୍ତାନର 4ଟି ବିମାନ ବନ୍ଦରରୁ ଭାରତୀୟ ଫେରିଛନ୍ତି । ସନ୍ଧ୍ୟା ସୁଦ୍ଧା ବିମାନଟି ଭାରତରେ ପହଞ୍ଚିଯାଇଛି । ପରେ ଏଠାରୁ ସମସ୍ତଙ୍କୁ ପରୀକ୍ଷା ପରେ ନିଜ ଘରକୁ ପଠାଯିବାର ବ୍ୟବସ୍ଥା କରାଯିବ ।
ଶୁକ୍ରବାର ଅଲମାଟ୍ଟି ବିମାନ ବନ୍ଦରରୁ 132 ଭାରତୀୟ ଫେରିଥିଲେ । ସେହିପରି ସେଣ୍ଟ୍ରାଲ କାଜାଖାସ୍ତାନର କାରଗଣ୍ଡା ସିଟି ବିମାନ ବନ୍ଦରରୁ 3ଟି ବିମାନରେ ଗୁରୁବାର ପ୍ରତ୍ୟାବର୍ତ୍ତନ କରିଥିଲେ ଫସିଥିବା ଭାରତୀୟ । ବନ୍ଦେ ଭାରତ ମିଶନ ଅଧୀନରେ ଦ୍ବିତୀୟ ପର୍ଯ୍ୟାୟରେ 60ଟି ଦେଶରୁ ଲକ୍ଷେ ଉପରେ ଭାରତୀୟଙ୍କୁ ଫେରାଇବାର ଯୋଜନା କରିଛନ୍ତି ଭାରତ ସରକାର ।
