ନୂଆଦିଲ୍ଲୀ: ପୁଣି ବିଜେପିକୁ ନେଇ ଅପ୍ରୀତିକର ମନ୍ତବ୍ୟ ଦେଇଛନ୍ତି ରବର୍ଟ ଭଦ୍ରା । ଶୁକ୍ରବାର କଂଗ୍ରେସର ଜେନେରାଲ ସେକ୍ରେଟାରୀ ପ୍ରିୟଙ୍କା ଗାନ୍ଧୀଙ୍କ ସ୍ବାମୀ ରବର୍ଟ ୱାଡ୍ରା ବିଜେପି ଉପରେ ‘ମିଛୁଆ’ର ଆରୋପ ଲଗାଇଛଝନ୍ତି । ଏଥିସହ ସେ କହିଛନ୍ତି,‘‘ କଂଗ୍ରେସ ଲୋକମାନଙ୍କୁ ଯେଉଁ ପ୍ରତିଶୃତି ଦେଇଥିଲା ତାହା କରିଛି, ଯାହା ବିଜେପି କିଛି କରିନାହିଁ" । ତେବେ ଆମେ ଲୋକମାନଙ୍କ ସମସ୍ତ ଆବଶ୍ୟକତା ପୂରଣ କରିବୁ ବୋଲି କହିଛନ୍ତି ଭଦ୍ରା।
ଏଥିସହ ସେ ସୋସିଆଲ ମିଡିଆରେ ଦୁଇଟି ଫଟୋ ପୋଷ୍ଟ କରିଛନ୍ତି । ପ୍ରଥମ ଫଟୋରେ ସେ ମତଦାତାଙ୍କୁ କଂଗ୍ରେସକୁ ଭୋଟ ଦେବା ପାଇଁ ନିବେଦନ କରିଥିବା ବେଳେ ଦ୍ବିତୀୟ ଫଟୋରେ ସେ ଗରିବ ଲୋକମାନଙ୍କୁ ଖାଦ୍ୟ ଖୁଆଉଥିବାର ଦେଖିବାକୁ ମିଳିଛି । ଏଥିସହ ଫଟୋରେ ଲେଖା ରହିଛି ଯେ, ଆମେ ଆମ ପ୍ରତିଶୃତିରେ ଅଟଳ ରହିବୁ । ତେଣୁ ନୂଆ ଭାରତ ପାଇଁ ଭୋଟ କରନ୍ତୁ ।
ପ୍ରକାଶ ଥାଉକି, ନିର୍ବାଚନର ଏହି ମହାନ ପର୍ବର ସପ୍ତମ ପର୍ଯ୍ୟାୟ ମତଦାନ ମେ 19ରେ ହେବାକୁ ଯାଉଛି । ତେବେ ମେ 23ରେ ଫଳାଫଳ ଘୋଷଣା ହେବ ।
