ପାଟନା: ବିହାର ବିଧାନସଭା ନିର୍ବାଚନକୁ ନେଇ ସରଗରମ ରାଜ୍ୟ ରାଜନୀତି । ଏମିତି ସମୟରେ ପୁଣି ଥରେ ଶାସନକୁ ଫେରିବାକୁ ଯଥାସମ୍ଭବ ଚେଷ୍ଟା କରିଛନ୍ତି ବିହାରର ପୂର୍ବତନ ଉପମୁଖ୍ୟମନ୍ତ୍ରୀ ତଥା ରାଷ୍ଟ୍ରୀୟ ଜନତା ଦଳ(ଆରଜେଡି ) ନେତା ତେଜସ୍ବୀ ଯାଦବ । ଯାହାର ଆରମ୍ଭ ସେ 'ବେରୋଜଗାରୀ ହଟାଅ ଯାତ୍ରା'ରୁ ଆରମ୍ଭ କରିଛନ୍ତି । ରବିବାରଠୁ ଏହି ଯାତ୍ରା ଆରମ୍ଭ କରିଛନ୍ତି ତେଜସ୍ବୀ ।
ଆଗାମୀ କିଛି ଦିନ ମଧ୍ୟରେ ସେ ଏକ ହାଇଟେକ ବସରେ ଯାତ୍ରା କରି ସାରା ଦେଶ ଭ୍ରମଣ କରିବା ବେରୋଜଗାରୀଙ୍କୁ ମୁଖ୍ୟ ପ୍ରସଙ୍ଗ ପ୍ରଚାର ପ୍ରସାର କରିବେ । ତେବେ ତେଜସ୍ବୀଙ୍କ ବେରୋଜଗାରୀ ହଟାଅ ଯାତ୍ରାକୁ ନେଇ ଅନେକ ବାର ଜନତା ଦଳ ୟୁନାଇଟେଡ(ଜେଡିୟୁ) ତାଙ୍କ ଉପରେ ଆକ୍ରମଣ କରିଛି । ଜେଡିୟୁର ଅଭିଯୋଗ ଅନୁସାରେ ତେଜସ୍ବୀ ଆର୍ଥିକ ହେରଫେର କରି ଏହି ଯାତ୍ରାରେ ବ୍ୟବହାର କରିବାକୁ ଥିବା ହାଇଟେକ ବସ ହାସଲ କରିଛନ୍ତି । ଯାହାକୁ ଆଧାର କରି ରବିବାର ଦଳ ପକ୍ଷରୁ ପାଟଣାର ଅନେକ ଅଞ୍ଚଳରେ ଏକ ପୋଷ୍ଟର ଲଗାଯାଇଛି । ଯେଉଁଥିରେ ଲେଖା ହୋଇଛି ଯେ ବସଟି ବେରୋଜଗାରୀ ହଟାଅ ଯାତ୍ରା ନୁହେଁ ବରଂ ଟଙ୍କା ଆଦାୟ ଯାତ୍ରାରେ ବାହାରୁଛି ।
ଏହା ସହ ବସର ଚାଳକ ଭାବେ ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବଙ୍କୁ ଦର୍ଶାଯାଇଛି । ଯେଉଁଥିରେ କଣ୍ଡକ୍ଟର ସିଟ୍ରେ ବସିଛନ୍ତି ତେଜସ୍ବୀ । ଆଉ ବସ ଉପରେ 'ଆମ ଲାଠି, ଆମ ପରିବାର'ର ଏକ ନାରା ମଧ୍ୟ ଲେଖାଯାଇଛି । ଏହି ପୋଷ୍ଟର ଜରିଆରେ ଜେଡିୟୁ ପୁଣି ଥରେ ନିଜ ଅଭିଯୋଗକୁ ପ୍ରସଙ୍ଗ କରିଛି । ତେଜସ୍ବୀଙ୍କ ହାଇଟେକ ବସ ପ୍ରସ୍ତୁତ ହେଲା ଆଉ ଯାହାର ଶିକାର ଜଣେ ସାଧାରଣ ବ୍ୟକ୍ତି ହୋଇଛି । କେବଳ ଏତିକି ନୁହେଁ ଲୋକଙ୍କ ନିଯୁକ୍ତି ଦେବାର ଲୋଭ ଦେଖାଇ ଲାଲୁ ସରକାର ସେମାନଙ୍କ ଜମି ହଡପ କରି ନେଇଥିବା ମଧ୍ୟ ଉଲ୍ଲେଖ ରହିଛି ।
@aniଇନପୁଟ
