ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୬୯ତମ ଜନ୍ମଦିନକୁ ପାଳନ ପୂର୍ବରୁ ନିଜ ଜନ୍ମଭୂମି, କର୍ମଭୂମି ଗୁଜୁରାଟ ଗସ୍ତ କରିଛନ୍ତି । ଏହାପରେ ସେ ସରଦାର ସରୋବର ଡ୍ୟାମରେ ନର୍ମଦା ପୂଜା ସହିତ ଏକ ଜନସଭାକୁ ସମ୍ବୋଧିତ କରିଥିଲେ । ଏହା ବ୍ୟତିତ ପିଏମ୍ ମା' ହୀରାବେନ୍ଙ୍କୁ ଭେଟି ଆଶୀର୍ବାଦ ନେଇଛନ୍ତି । ଏହାସହ ମା'ଙ୍କ ସହ ମଧ୍ୟାହ୍ନ ଭୋଜନ କରିଛନ୍ତି ପ୍ରଧାନମନ୍ତ୍ରୀ ମୋଦି ।
ଆଜି ଗୁଜୁରାଟ ଗସ୍ତରେ ଯାଇଥିବା ମୋଦି ତାଙ୍କ ମା' ରହୁଥିବା ରଇସାନ ଗାଁରେ ପହଞ୍ଚିଥିଲେ। ଏହାପରେ ସେ ତାଙ୍କ ମା'ଙ୍କୁ ଭେଟିଥିଲେ । ମା'ଙ୍କ ପାଦ ଛୁଇଁ ପ୍ରଣାମ କରିବା ସହ ଆଶୀର୍ବାଦ ନେଇଥିଲେ । ପରେ ମା'ଙ୍କ ସହ ମୋଦି ଲଞ୍ଚ କରିଥିଲେ ।
ଆଜି ସାରା ଦେଶରେ ମୋଦିଙ୍କ 69ତମ ଜନ୍ମଦିନ ପାଳନ କରାଯାଉଛି । ବିଜେପି କାର୍ଯ୍ୟକର୍ତ୍ତା ସାରା ଦେଶରେ ସେପ୍ଟେମ୍ବର ୧୪ରୁ ୨୦ ଯାଏ ‘ସେବା ସପ୍ତାହ’ ପାଳନ କରୁଛନ୍ତି । ଏହାସହ ଆଜି ସମଗ୍ର ଗୁଜୁରାଟ ନମାମି ନର୍ମେଦେ ମହୋତ୍ସବ ପାଳନ କରୁଛି ।
