ବାରଣାସୀ: ଲୋକସଭା ନିର୍ବାଚନ ଚାଲିଥିବା ଭିତରେ ନେତାଙ୍କ ବିବାଦୀୟ ମନ୍ତବ୍ୟ ଦେବା ପ୍ରକ୍ରିୟା ଜାରି ରହିଛି । ଏଇ ମଧ୍ୟରେ ବାରଣାସୀରେ କଂଗ୍ରସ ନେତା ସଞ୍ଜୟ ନିରୁପମ ପ୍ରଧାନମନ୍ତ୍ରୀ ମୋଦିଙ୍କୁ ଔରଙ୍ଗଜେବଙ୍କ ସହ ତୁଳନା କରିଛନ୍ତି ।
ସଞ୍ଜୟ ନିରୁପମ ନିର୍ବାଚନୀ ପ୍ରଚାର ପାଇଁ ବାରାଣସୀ ଯାଇଥିବା ବେଳେ ପ୍ରଧାନମନ୍ତ୍ରୀ ମୋଦିଙ୍କ ତୁଳନା ଔରଙ୍ଗଜେବଙ୍କ ସହ କରିବା ସହ ବାରଣାସୀର ଜନତା ଔରଙ୍ଗଜେବଙ୍କର ଆଧୁନିକ ଅବତାରକୁ ଚୟନ କରିଛନ୍ତି ବୋଲି କହିଛନ୍ତି ।
ବାରଣାସୀରେ କରିଡୋର ନାମରେ ଯେଉଁଭାବରେ ବହୁ ସଂଖ୍ୟାରେ ମନ୍ଦିର ଭଙ୍ଗାଯାଇଛି ଏଥିରୁ ମୋଦି ଔରଙ୍ଗଜେବଙ୍କର ଆଧୁନିକ ଅବତାର ବୋଲି ବାରଣାସୀ ଆସି ମନେ ହେଉଥିବା ସଞ୍ଜୟ କହିଛନ୍ତି । ଏଥି ସହିତ ବାବା ବିଶ୍ବନାଥଙ୍କ ଦର୍ଶନ ପାଇଁ 550ଟଙ୍କା ଫିସ ସାଙ୍ଗକୁ ଫାଇନ ଓ ଚାର୍ଜ ଲଗାଯିବା ଏ ସମସ୍ତ ବିଷୟରୁ ପ୍ରମାଣ ମିଳୁଛି ଯାହା ଔରଙ୍ଗଜେବ କରିପାରିନଥିଲେ ତାହା ନରେନ୍ଦ୍ର ମୋଦି କରୁଛନ୍ତି ବୋଲି ନିରୁପମ କହିଛନ୍ତି ।
ସଞ୍ଜୟଙ୍କ ପୂର୍ବରୁ ପ୍ରିୟଙ୍କା ଗାନ୍ଧୀ ମଧ୍ୟ ମୋଦିଙ୍କ ତୁଳନା ଦୁର୍ଯ୍ୟୋଧନଙ୍କ ସହ କରିଥିବା ବେଳେ ରାହୁଲ ମୋଦିଙ୍କୁ ଚୋର କହିଥିଲେ ।
