ଜୟପୁର: ରାଜସ୍ଥାନର ପାଟନ ଅଞ୍ଚଳରେ ଶନିବାର ଏକ ଅଭାବନୀୟ ଘଟଣା ଦେଖିବାକୁ ମିଳିଛି । 2 ଜଣ ଯୁବକ ଏକ ବାଘ ଛୁଆକୁ ଦେଖି ବିଲେଇ ଛୁଆ ଭାବି ଘରକୁ ନେଇଆସିଥିଲେ । ଏହା ବାଘ ଛୁଆ ଜଣାପଡିବା ପରେ ପରିବାର ଲୋକ ବନ ବିଭାଗକୁ ଖବର ଦେଇଥିଲେ । ଘଟଣାସ୍ଥଳରେ ବନ ଅଧିକାରୀ ପହଞ୍ଚି ଶାବକକୁ ନେଇ ଜୟପୁରର ଚିଡିଆଘରେ ଛାଡିଥିଲେ ।
ଭିଡିଓ ସୌଜନ୍ୟ: ବ୍ୟୁରୋ ରିପୋର୍ଟ, ଇଟିଭି ଭାରତ
ସୂଚନାମୁତାବକ, ନିମକାଥାନା ଅନ୍ତର୍ଗତ ପାଟନ ରେଞ୍ଜରେ ଏବି ବାଘ ଛୁଆର ଜନ୍ମ 2 ଦିନ ତଳେ ହୋଇଥିବା ଜଣାପଡିଛି । ସରିଫ ଓ ତୈୟବ ନିକଟସ୍ଥ ପାହାଡକୁ ବୁଲିବାକୁ ଯାଇଥିବାବେଳେ ଏହାକୁ ବିଲେଇ ଛୁଆ ଭାବି ନେଇ ଆସି ସେମାନେ ଖେଳିଥିଲେ ।
ନିମକାଥାନା ରେଞ୍ଜର ଦେବେନ୍ଦ୍ର ସିଂହଙ୍କ କହିବାନୂଯାୟୀ, ଶାବକଟି ଜନ୍ମ ନେବାପରେ ବର୍ଷ। କାରଣରୁ ତା ମାଆ ଠାରୁ ଅଲଗା ହୋଇଯାଇଥିଲା । ଏହାପରେ ସେ କିଛି ନଖାଇ ବର୍ଷା ମାଡରେ ଅତ୍ୟନ୍ତ ଦୁର୍ବଳ ହୋଇପଡିଛି । ପରେ ଶାବକଟିକୁ ଛେଳି ଦୁଗ୍ଧ ଦିଆଯାଇ ଜୟପୁର ସ୍ଥିତ ଚିଡିଆଘରେ ଛାଡି ଦିଆଯାଇଛି ।
