ସିକନ୍ଦରବାଦ: ଆତଙ୍କବାଦ ପ୍ରସଙ୍ଗରେ ପାକିସ୍ତାନକୁ ଟାର୍ଗେଟ କରିଛନ୍ତି କେନ୍ଦ୍ର ଗୃହରାଷ୍ଟ୍ରମନ୍ତ୍ରୀ ତଥା ସ୍ଥାନୀୟ ସାଂସଦ ଜି.କିଶନ ରେଡ୍ଡୀ । ନିଜ ମାଟିରେ ପାକିସ୍ତାନ ଆତଙ୍କୀ ଗୋଷ୍ଠୀଙ୍କୁ ଦେଉଥିବା ସହାୟତାକୁ ବନ୍ଦ କରୁ । ନିଜର ସଂସଦୀୟକ୍ଷେତ୍ର ସିକନ୍ଦରବାଦ ଠାରେ ଆୟୋଜିତ ହୋଇଥିବା ଦଳୀୟ ପଦଯାତ୍ରାରେ ଯୋଗ ଦେବା ଅବସରରେ ଏହା କହିଛନ୍ତି କେନ୍ଦ୍ରମନ୍ତ୍ରୀ ।
ଆତଙ୍କବାଦ ପ୍ରସଙ୍ଗରେ ମତ ରଖି ସେ କହିଛନ୍ତି ଯେ, ବିଜେପି ସବୁବେଳେ ପାକିସ୍ତାନ ସହ ସୁସମ୍ପର୍କ ରଖିବାକୁ ଚାହେଁ । ହେଲେ ଆତଙ୍କବାଦ ପ୍ରସଙ୍ଗରେ ସ୍ପଷ୍ଟ କରିଦେବା ଦରକାର ଯେ ଆତଙ୍କବାଦୀଙ୍କ ପ୍ରତି ସେମାନଙ୍କର ଆଭିମୁଖ୍ୟ କଣ ରହିଛି । ଭାରତ ସମେତ ଅନେକ ରାଷ୍ଟ୍ରର ଚେତାବନୀ ସତ୍ତ୍ବେ ମଧ୍ୟ ପାକିସ୍ତାନ ଆତଙ୍କୀଙ୍କୁ ସାହାଯ୍ୟ ସହଯୋଗ ଯୋଗାଇବା ଜାରି ରଖିଛି ।
ପ୍ରଥମ ଥର ସାଂସଦ ଭାବେ ନିର୍ବାଚିତ ହୋଇଛନ୍ତି ଜି.କିଶାନ ରେଡ୍ଡୀ । ନିଜ ସଂସଦୀୟ କ୍ଷେତ୍ରର ବିକାଶ ମୁଦ୍ଦା ଉପରେ ମତ ରଖି କହିଛନ୍ତି ଯେ, ଏଠାକାର ବିକାଶ ପାଇଁ ଖୁବ ଶିଘ୍ର ଏକ କାର୍ଯ୍ୟାଳୟ ଖୋଲିବେ । ଏହା ବାଦ ନିଜର ଲୋକସଭା ନିର୍ବାଚନମଣ୍ଡଳୀରେ ଜଳନିସ୍କାସନ, ପାନୀୟଜଳ, ରାସ୍ତା, ଡ୍ରେନେଜ ଏବଂ ଷ୍ଟ୍ରିଟ ଲାଇଟ ଅଭାବକୁ ଖୁବ ଶୀଘ୍ର ଦୂରକରିବା ଉପରେ ଧ୍ୟାନ ଦେବେ ।
