ଲଣ୍ଡନ: ଆସନ୍ତା ନଭେମ୍ବର 11 ତାରିଖ ପର୍ଯ୍ୟନ୍ତ ବିଚାର ବିଭାଗୀୟ ହାଜତରେ ରହିବେ ନୀରବ ମୋଦି । ଅବଧି ବଢିବା ନେଇ ଘୋଷଣା କଲେ ଲଣ୍ଡନ କୋର୍ଟ । ଅର୍ଥ ହେରଫେର ଏବଂ ପଞ୍ଜାବ ନ୍ୟାଶନାଲ ବ୍ୟାଙ୍କ ଦୁର୍ନୀତି ମାମଲାରେ ଗିରଫ ହୋଇଥିଲେ ନୀରବ ।
ପଞ୍ଜାବ ନ୍ୟାଶନାଲ ବ୍ୟାଙ୍କ ଦୁର୍ନୀତି ମାମଲାର ମୁଖ୍ୟ ଅଭିଯୁକ୍ତ ହେଲେ ନୀରବ ମୋଦି । ଏହି ଦୁର୍ନୀତି ପଦାକୁ ଆସିବା ପରେ ଗତବର୍ଷ ଜାନୁଆରୀ ମାସରୁ ସେ ଦେଶ ଛାଡି ଫେରାର ହୋଇଯାଇଥିଲେ ।
ମାର୍ଚ୍ଚ 19 ତାରିଖରେ ସ୍କଟଲ୍ୟାଣ୍ଡ ୟାର୍ଡରୁ ନୀରବ ମୋଦିଙ୍କୁ ଗିରଫ କରାଯାଇଥିଲା । ଏହାପର ଠାରୁ ସେ ଭାରତ ଫେରିନାହାଁନ୍ତି । ମେ 2020ରେ ଏହି ମାମଲାରେ ଆଗାମୀ ଶୁଣାଣି ହେବା ନେଇ ସମ୍ଭାବନା ରହିଛି।
