ଥିରୁଅନନ୍ତପୁରମ: କେରଳରେ ଗରିବଙ୍କୁ ସାହା ହୋଇଛି ଏସ୍ ମୁରୁକାନଙ୍କ ଦ୍ୱାରା ପରିଚାଳିତ ଏନଜିଓ ସଂସ୍ଥା । ଆଲ୍ଲାପୁଜାଠାରେ ରାସ୍ତାରେ ବୁଲୁଥିବା ମାନସିକ ରୋଗୀଙ୍କୁ ଉଦ୍ଧାର କରି ନୂଆ ଜୀବନ ଦେଉଛି ଏହି ସଂସ୍ଥା।
ସଂସ୍ଥାର ମାଲିକ ମୁରୁକାନ କେଉଁ କୋଟିପତି କିମ୍ବା ବଡ ବ୍ୟବସାୟୀ ନୁହନ୍ତି । ପେଶାରେ ସେ ଜଣେ ଅଟୋ ଡ୍ରାଇଭର । ନିଜ କାମରୁ ଟିକିଏ ଫୁରସତ ମିଳିଲେ ସେ ଧାଇଯାଆନ୍ତି ସମାଜସେବା ପାଇଁ । ତାଙ୍କ କହିବା ଅନୁସାରେ ,''ମୁଁ ଜଣେ ଅଟୋ ଡ୍ରାଇଭର । ମୁଁ ଏହି ଏନଜିଓ ଚଳାଉଛି । ଯେଉଁଠି ଆମେ ମାନସିକ ବିକାରଗ୍ରସ୍ତ ଲୋକଙ୍କୁ ଯୋଗାଇଥାଉ ବାସ । କେରଳ ପୋଲିସର ସାହାଯ୍ୟରେ ଲକ ଡାଉନ୍ ସମୟରେ ଆମେ ପ୍ରାୟ 720 ଜଣଙ୍କୁ ଉଦ୍ଧାର କରିଛୁ''।
ଉଦ୍ଧାର ହୋଇଥିବା ଗରିବ ତଥା ମାନସିକ ରୋଗୀଙ୍କୁ ପୁନଃଥଇଥାନ କରିବା ପାଇଁ ଏନଜିଓ ଚଳାଉଛନ୍ତି ସେ । ସେମାନଙ୍କୁ ପ୍ରଥମେ ଭଲ ଭାବେ ଗାଧୁଆ ଦିଆଯାଇ କେଶ ଆଦି କଟାଯାଇ ସ୍ବଚ୍ଛ କରାଯାଏ । ଏହାପରେ ସେମାନଙ୍କୁ ଖାଦ୍ୟ, ପୋଷାକ ମଧ୍ୟ ଦିଆଯାଏ । ପରେ ପୁନର୍ବାସ କେନ୍ଦ୍ରକୁ ପଠାଯାଏ ବୋଲି କହିଛନ୍ତି ମାରାରିକୁଲମର ସର୍କଲ ଇନ୍ସପେକ୍ଟର ମିଧୁନ ।
@ANI
