ନୂଆଦିଲ୍ଲୀ: ସାଇବର ଦୁନିଆରେ ଦେଖାଦେଇଛି ଏକ ନୂଆ ମାଲଓ୍ବେୟର, ଯାହାର ନାଁ ରହିଛି ବ୍ଲାକ ରକ । ମୋବାଇଲ ସୁରକ୍ଷା ସଂସ୍ଥା ଥ୍ରେଟ୍ ଫେବ୍ରିକ ପକ୍ଷରୁ ଏହାକୁ ଚଳିତ ବର୍ଷ ମେ ମାସରେ ଆବିଷ୍କାର କରିଥିଲା ।
କର୍ଣ୍ଣେଲ ଇନ୍ଦରଜୀତ ସୂଚନା ଦେଇଛନ୍ତି ଯେ ଥରେ ବ୍ଲାକ ରକ ଏକ ଡିଭାଇସରେ ଇନଷ୍ଟଲ୍ ହୋଇଗଲେ, ଏହା ବିପଦପୂର୍ଣ୍ଣ ଆପଲିକେସନ ସହିତ ମିଶି ଆଣ୍ଡ୍ରଏଡ ଆକ୍ସେସିବିଲିଟି ସର୍ଭିସେସ୍ ସୁବିଧାକୁ ଅପବ୍ୟବହାର କରି ଆପତ୍ତିଜନକ ତଥ୍ୟ ସଂଗ୍ରହ କରିଥାଏ । ଏଥିପାଇଁ ଏହା ପ୍ରଥମ ଥର ଲଞ୍ଚ ହୋଇଥିବା ଗୁଗୁଲ୍ ଅପଡେଟ୍ ନାଁରେ ବ୍ୟବହାରକାରୀଙ୍କ ଅନୁମତି ଖୋଜିଥାଏ, ଯାହାକି ସ୍କ୍ରିନସଟ ଯୋଗେଁ ନିମ୍ନରେ ଦର୍ଶାଯାଇଛି ।
ଆଣ୍ଡ୍ରଏଡ୍ ଅପରେଟିଂ ସିଷ୍ଟମର ଆକ୍ସେସିବିଲିଟି ଫିଚରରେ ବ୍ଲାକ ରକ ନିଜକୁ ଅନ୍ୟ ଆଣ୍ଡ୍ରଏଡରେ ପ୍ରବେଶ କରିବାକୁ ଅନୁମତି ଦେଇଥାଏ । ଏହାପରେ ନିଜକୁ ସେହି ଡିଭାଇସରେ ଆଡମିନିଷ୍ଟ୍ରେଟିଭ ଆସେସ ଦେବାକୁ ଏକ ଆଣ୍ଡ୍ରଏଡ ଡିଭାଇସ ପଲିସି କଣ୍ଟ୍ରୋଲର୍ ବ୍ୟବହାର କରେ |
ଆଶ୍ଚର୍ଯ୍ୟଜନକ ଭାବରେ, ବ୍ଲାକ ରକର ଟାର୍ଗେଟ ତାଲିକାରେ ଥିବା 337ଟି ଆପଲିକେସନ ମଧ୍ୟରୁ ଅନେକ ଆପଲିକେସନ ପୂର୍ବରୁ ବ୍ୟାଙ୍କିଙ୍ଗ୍ ମାଲୱେର ଦ୍ବାରା ଟାର୍ଗେଟ ହୋଇଥିବାର ଦେଖାଯାଇନାହିଁ | ଏହି ଟାର୍ଗେଟଗୁଡିକ ପ୍ରାୟତଃ ଆର୍ଥିକ ପ୍ରତିଷ୍ଠାନଗୁଡିକ ସହିତ ଜଡିତ ନୁହଁନ୍ତି । ଏହା କେବଳ କ୍ରେଡିଟ୍ କାର୍ଡର ବିବରଣୀ ଚୋରି କରିବା ପାଇଁ ବ୍ୟବହାର କରାଯାଏ | ଅଣ-ଆର୍ଥିକ ଆପଲିକେସନ ଟାର୍ଗେଟ ତାଲିକାରେ ଟାଇଣ୍ଡର୍, ଟିକଟକ୍, ପ୍ଲେ ଷ୍ଟେସନ୍, ଫେସବୁକ୍, ଇନଷ୍ଟାଗ୍ରାମ, ସ୍କାଇପ୍, ସ୍ନାପଚଟ୍, ଟ୍ବିଟର, ଭିକେ, ନେଟଫ୍ଲିକ୍ସ, ଉବେର, ଆମାଜନ, ରେଡ୍ଡିଟ୍, ଏବଂ ଟମ୍ବଲର୍ ଭଳି ଲୋକପ୍ରିୟ ଆପଲିକେସନ ରହିଛି ।
ଥ୍ରେଟ୍ ଫ୍ୟାବ୍ରିକ୍ ଅନୁଯାୟୀ 2020ର ଦ୍ବିତୀୟାର୍ଦ୍ଧରେ ଏହା ଆଶ୍ଚର୍ଯ୍ୟଜନକ ଘଟଣା ସହିତ ଆସିବ । ଏଲିଏନ୍, ଇଭେଣ୍ଟବଟ୍, ଏବଂ ବ୍ଲାକରକ ପରେ, ଆମେ ଆଶା କରିପାରିବା ଯେ ଆର୍ଥିକ ଦୃଷ୍ଟିରୁ ଥ୍ରେଟ୍ ଆକ୍ଟରମାନେ ନୂତନ ବ୍ୟାଙ୍କିଙ୍ଗ୍ ମାଲୱେର୍ ଗଠନ କରିବା ସହ ଏହାର ବିକାଶ ଦିଗରେ ଧ୍ୟାନ ଦେବେ ।
କର୍ଣ୍ଣେଲ ଇନ୍ଦରଜିତ ପରାମର୍ଶ ଦେଇଛନ୍ତି ଯେ ଆଣ୍ଡ୍ରଏଡ୍ ଅପରେଟିଂ ସିଷ୍ଟମକୁ ଅପଡେଟ ରଖନ୍ତୁ, ଅପଡେଟ୍ ହେବାକୁ ଥିବା ଆପ୍, ମୋବାଇଲ୍ ଫୋନରେ ସଠିକ୍ ଆଣ୍ଟି-ଭାଇରସ୍ ରଖନ୍ତୁ, କୌଣସି ଅଜଣା ଆପଲିକେସନ ଡାଉନଲୋଡ୍ କରନ୍ତୁ ନାହିଁ ।
ସାଇବର ସିକ୍ୟୁରିଟି ଆସୋସିଏସନ୍ ଅଫ୍ ଇଣ୍ଡିଆର ଚେୟାରମ୍ୟାନ୍ ପ୍ରଫେସର ଏନ କେ ଗୋୟଲ ମଧ୍ୟ ସମାନ ମତ ରଖି କହିଛନ୍ତି ଯେ ଆମେ ଆପ୍ଲିକେସନଗୁଡକୁ ସୁରକ୍ଷିତ ଭାବରେ ବ୍ୟବହାର କରିବା ଉଚିତ ଏବଂ ମାଲୱେୟାର ଦ୍ବାରା ଜାଲରେ ପଡ଼ିବା ଉଚିତ ନୁହେଁ ।
