ମୁଖ୍ୟମନ୍ତ୍ରୀ ଯୋଗୀଙ୍କ ଫଟୋ ପୂଜା କରି ପ୍ରତିବାଦ କଲେ ମୁସଲିମ ଚାଷୀ

ଉତ୍ତର ପ୍ରଦେଶର ଶାହାଜାହାନପୁର ଜିଲ୍ଲାରେ ନିଆରା ପ୍ରତିବାଦ । ଏଠାରେ ଜଣେ ମୁସଲମାନ ବ୍ୟକ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଫଟୋକୁ ପୂଜା କରି ସରକାରଙ୍କ ବିରୋଧରେ ପ୍ରତିବାଦ କରିଛନ୍ତି ।

ଲକ୍ଷ୍ନୌ: ବଦଳୁଛି ପ୍ରତିବାଦ କରିବାର ଶୈଳୀ । ରାଜରାସ୍ତାକୁ ନ ଓହ୍ଲାଇ ମଧ୍ୟ ପ୍ରଶାସନର ଦୃଷ୍ଟି ଆକର୍ଷଣ ପାଇଁ ନୂଆ ନୂଆ ଶୈଳୀ ଆପଣାଉଛନ୍ତି ଲୋକେ । ତେବେ ଏଭଳି ଏକ ନିଆରା ପ୍ରତିବାଦ ଦେଖିବାକୁ ମିଳିଛି ଉତ୍ତର ପ୍ରଦେଶର ଶାହାଜାହାନପୁର ଜିଲ୍ଲାରେ । ଏଠାରେ ଜଣେ ମୁସଲମାନ ବ୍ୟକ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଫଟୋକୁ ପୂଜା କରି ସରକାରଙ୍କ ବିରୋଧରେ ପ୍ରତିବାଦ କରିଛନ୍ତି । ଏଭଳି କରି ସେ ଉପୁଜିଥିବା ସମସ୍ୟା ଦିଗରେ ପ୍ରଶାସନର ଦୃଷ୍ଟି ଆକର୍ଷଣ କରିବାକୁ ଚେଷ୍ଟା କରିଛନ୍ତି ।

ପ୍ରାୟ 12 ଜଣ ଚାଷୀଙ୍କ ଚାଷଜମି ପର୍ଯ୍ୟନ୍ତ ଯାଉଥିବା ରାସ୍ତାକୁ ଜି ସରର୍ଜିବିୟର କାରଖାନାର ମାଲିକ ଅବରୋଧ କରିଛନ୍ତି । ନିଜ ବ୍ୟକ୍ତିଗତ କାରଣରୁ ସେ ସଡକ ଉପରେ ଏକ କାନ୍ଥ ନିର୍ମାଣ କରିଛନ୍ତି । ଯାହା ଦ୍ବାରା ଚାଷୀଙ୍କୁ ଅନେକ ସମସ୍ୟାର ସମ୍ମୁଖୀନ ହେବାକୁ ପଡୁଛି ।