ମୁମ୍ବାଇ: 'ରିପବ୍ଲିକ୍ ଟିଭି' ଚ୍ୟାନେଲର ସିଇଓ ବିକାଶ ଖଞ୍ଚନ୍ଦାନିଙ୍କ ନାମରେ ଟିଆରପି ବା ଟେଲିଭିଜନ ରେଟିଂ ପଏଣ୍ଟ ଠକେଇ ଅଭିଯୋଗ ହୋଇଛି । ଏହି ଅଭିଯୋଗ ଆଧାରରେ ମୁମ୍ବାଇ ପୋଲିସ ରବିବାର ତାଙ୍କୁ ଗିରଫ କରିଛି ।
ରିପବ୍ଲିକ ଟିଭିର ସହକାରୀ ଉପସଭାପତି ଘନଶ୍ୟାମ ସିଂଙ୍କୁ ପୂର୍ବରୁ ମୁମ୍ବାଇ ପୋଲିସ ଟିଆରପି ସମ୍ବନ୍ଧୀୟ ବିବାଦୀୟ ଘଟଣାରେ ଗିରଫ କରିଥିଲା । ଘନଶ୍ୟାମ ଡିସେମ୍ବର 5 ତାରିଖରେ ସିଟି କୋର୍ଟରୁ ଜାମିନରେ ଆସିବା ପରେ ପୋଲିସ ହେପାଜତରେ ଥିବା ସମୟରେ ପଚରାଉଚରା ବେଳେ ପୋଲିସ ତାଙ୍କୁ ବିଭିନ୍ନ ପ୍ରକାର ଅତ୍ୟାଚାର ଦେଇଥିବା ସେ କହିଛନ୍ତି ।
ଘନଶ୍ୟାମଙ୍କୁ ପୋଲିସ ବେଲ୍ଟରେ ମାଡ ମାରଥିବା ରିପବ୍ଲିକ୍ ଟିଭି ଚ୍ୟାନେଲରେ ତରଫରୁ ଲିଖିତ ଆକାରରେ ଅଭିଯୋଗ କରାଯାଇଥିବା ବେଳେ ବମ୍ବେ ହାଇକୋର୍ଟ ଏହି ଚ୍ୟାନେଲର ଅଭିଯୋଗକୁ ଶୁଣାଣି ବେଳେ ମଧ୍ୟ ସ୍ବୀକାର କରିଥିଲେ । ତେବେ ଘନଶ୍ୟାମ ନଭେମ୍ବର 10 ତାରିଖରେ ଟିଆରପି ଠକେଇ ଅଭିଯୋଗରେ ମୁମ୍ବାଇ ପୋଲିସ ଦ୍ବାରା ଗିରଫ ହୋଇଥିଲେ ।
ମୁମ୍ବାଇ ପୋଲିସ ରିପବ୍ଲିକ ଟିଭିର ସହକାରୀ ଉପସଭାପତି ଘନଶ୍ୟାମ ସିଂଙ୍କୁ ଜେରା କରିବା ପୂର୍ବରୁ ତାଙ୍କୁ ମାଡ ମାରିବା ପାଇଁ ବିଭିନ୍ନ ପ୍ରକାର ନିର୍ଯାତନା ଉପକରଣଗୁଡିକ ପୂର୍ବରୁ ମହଜୁଦ ଥିଲା । ତାଙ୍କୁ ଜେରା ସମୟରେ ଆଘାତ ପହଞ୍ଚାଇବା ପାଇଁ ପୂର୍ବରୁ ଯୋଜନା କରାଯାଇଥିଲା ବୋଲି ଚ୍ୟାନେଲ ଲିଖିତ ଆକାରରେ ଅଭିଯୋଗ ପତ୍ରରେ ଦର୍ଶାଇଥିଲା । ଘନଶ୍ୟାମଙ୍କୁ ଜେରା ପାଇଁ ଅକ୍ଟୋବର 9, 11 ଓ 20 ତାରିଖରେ ପୋଲିସ ଷ୍ଟେସନରେ ଠାବ କରାଯାଇଥିବା ବେଳେ ନଭେମ୍ବର 10 ତାରିଖରେ ତାଙ୍କୁ ଗିରଫ କରାଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
