ମୁମ୍ବାଇ: ମହାରାଷ୍ଟ୍ର ମହାଭାରତ ଉପରେ ଏବେ ସାରା ଦେଶର ନଜର । କେତେବେଳେ କଣ ଘଟୁଛି ତାହା ଆକଳନ କରିବା ମୁସ୍କିଲ । ଶିବସେନା-ଏନସିପି-କଂଗ୍ରେସର ତୁହାକୁ ତୁହା ବୈଠକ ପରେ ଏବେ ଅଜିତ ପାୱାରଙ୍କ ଆଉ ଏକ ଟ୍ବିଟକୁ ନେଇ ବଢିଯାଇଛି ରାଜନୈତିକ ହଲଚଲ ।
ଅଜିତ ଟ୍ବିଟ କରି କହିଛନ୍ତି ଚିନ୍ତା କରିବାର କୌଣସି ଆବଶ୍ୟକତା ନାହିଁ । ସବୁକିଛି ଠିକ ଅଛି ‘ଅଲ ଇଜ ୱେଲ’ ବର୍ତ୍ତମାନ ଟିକେ ଧୈର୍ଯ୍ୟ ଧରିବାର ଆବଶ୍ୟକତା ଅଛି । ସରକାର ବହୁମତ ସାବ୍ୟସ୍ତ କରିବେ । ଏହାସହ କହିଛନ୍ତି ତାଙ୍କୁ ଶୁଭେଛା ସମର୍ଥନ ଜଣାଇଥିବା ସମସ୍ତଙ୍କୁ ଧନ୍ୟବାଦ ।
ଏହି ଟ୍ବିଟଟି ଏବେ ସବୁ ରାଜନୈତିକ ଦଳଙ୍କ ହୋସ ଉଡାଇ ଦେଇଛି । କାରଣ ଅଜିତଙ୍କ ପାଖରେ କୌଣସି ବିଧାୟକଙ୍କ ସମର୍ଥନ ନାହିଁ ବୋଲି ଏନସିପି ଦାବି କରୁଥିବା ବେଳେ ତାଙ୍କର ଏହି ଟ୍ବିଟ ଅନେକ କିଛି ସୂଚାଉଛି ।
