ମୋତିହାରି: ପ୍ଲାଷ୍ଟିକ ସଚେତନତା ପାଇଁ ବାହାରିଛନ୍ତି କୁନି କୁନି ଭବିଷ୍ୟତ। କାରଣ ଶିଶୁ ବି ବୁଝିଛନ୍ତି ପ୍ଲାଷ୍ଟିକର ଭୟାବହତା ସମ୍ପର୍କରେ। ଖାସ୍ ସେଥିପାଇଁ ସିଲଟ ଖଡି ଧରି ପାଠ ପଢିବା ବୟସରେ ବଡଲୋକଙ୍କୁ ବୁଝାଉଛନ୍ତି ପ୍ଲାଷ୍ଟିକ ବ୍ୟବହାର ନ କରିବାକୁ। ବିହାରର କୁନି କୁନି ଶିଶୁ ଏଭଳି ସଚେତନତା କରୁଥିବା ଦେଖିବାକୁ ମିଳିଛି।
ପ୍ଲାଷ୍ଟିକ ବିରୋଧରେ କୁନି କୁନି ପିଲାଙ୍କ ଲଢେଇ । ପ୍ଲାଷ୍ଟିକ ବ୍ୟବହାର ନ କରିବାକୁ ସଚେତନ କରୁଛନ୍ତି ଅଙ୍ଗନବାଡି ପିଲାଏ । ବିହାରର କିଛି ଅଙ୍ଗନବାଡି ଶିଶୁ ପ୍ଲାଷ୍ଟିକ ବିରୋଧରେ ଲଢେଇ କରି ପାଲଟିଛନ୍ତି ଉଦାହରଣ । ପୂର୍ବ ଚମ୍ପାରଣ ମଧୁଛପ୍ରା ଗାଁ ଅଙ୍ଗନବାଡିରେ ପଢୁଥିବା ଶିଶୁ, ବଡଲୋକଙ୍କୁ ପ୍ଲାଷ୍ଟିକ ବ୍ୟବହାର ସମ୍ପର୍କରେ କରୁଛନ୍ତି ସଚେତନ।
ଅନ୍ୟପଟେ ଶିଶୁଙ୍କୁ ବିଭିନ୍ନ ସ୍ଲୋଗାନ ଲେଖାଯାଇଥିବା ପ୍ଲାକାର୍ଡ ଦିଆଯାଇଛି । ଆଉ ଏହି ପ୍ଲାକାର୍ଡ ଗୁଡିକୁ ଗାଁର ଡମ୍ପିଂୟାର୍ଡ ନିକଟରେ ରଖାଯାଇଛି। ପିଲାଙ୍କ ଏହି ପ୍ରୟାସ ଯୋଗୁଁ ଗାଁରେ ସକରାତ୍ମକ ପ୍ରଭାବ ପଡିଥିବା କୁହନ୍ତି ଗାଁଲୋକେ।
କେବଳ ପିଲାଏ ନୁହେଁ ଗାଁର ଶିକ୍ଷକ ମଧ୍ୟ ପ୍ଲାଷ୍ଟିକ ବ୍ୟବହାର ନ କରିବାକୁ ପ୍ରୋତ୍ସାହିତ କରୁଛନ୍ତି । ପ୍ଲାଷ୍ଟିକ ଭୟାବହତା ଦେଖି ଦେଶରେ ବ୍ୟାନ ହୋଇଛି ସିଙ୍ଗଲ୍ ୟୁଜ୍ ପ୍ଲାଷ୍ଟିକ। ଏହାର ଖୁଲମଖୁଲା ହେଉଛି ବ୍ୟବହାର। ଏପଟେ ଲୋକଙ୍କୁ ସଚେତନ ପାଇଁ ଆଗକୁ ଆସିଛନ୍ତି ଆଗାମୀକାଲିର ଭବିଷ୍ୟତ।
ବ୍ୟୁରୋ ରିପୋର୍ଟ, ଇଟିଭି ଭାରତ
