ରାୟପୁର: ଆକାଶରୁ ଖସିଲା ମୃତ୍ୟୁ । ଛତିଶଗଡର ବିଭିନ୍ନ ସ୍ଥାନରେ ବଜ୍ରପାତରେ 3 ଜଣଙ୍କ ମୃତ୍ୟୁ ହୋଇଛି । ଏନେଇ ଫାଷ୍ଟରପୁର ପୋଲିସ ଷ୍ଟେସନର ଅଧିକାରୀ ସୂଚନା ଦେଇଛନ୍ତି । ମୁଙ୍ଗେଲିର କୋସମାରା ଗାଁରେ ସ୍ବାମୀ ଓ ସ୍ତ୍ରୀ କ୍ଷେତରେ କାମ କରୁଥିବା ବେଳେ ବଜ୍ରପାତ ହୋଇଥିଲା । ଫଳରେ ଘଟଣାସ୍ଥଳରେ ସେମାନଙ୍କର ଜୀବନ ଯାଇଥିଲା । ସେହିପରି ଭଥା ଗାଁର ଅନ୍ୟ ଜଣେ କୃଷକ ମଧ୍ୟ ବଜ୍ରାଘାତରେ ପ୍ରାଣ ହରାଇଛନ୍ତି । ତେବେ ,ଏମାନଙ୍କ ମୃତ୍ୟୁକୁ ନେଇ ଗାଁରେ ଶୋକର ଛାୟା ଖେଳିଯାଇଛି ।
ରାଜ୍ୟରେ ପ୍ରବଳ ବର୍ଷା ଜାରି ରହିଥିବାରୁ ଜନଜୀବନ ପ୍ରଭାବିତ ହୋଇଛି । ଲଗାଣ ବର୍ଷା ଯୋଗୁଁ ସୁକମା ଜିଲ୍ଲାର ବିଭିନ୍ନ ସ୍ଥାନ ଜଳବନ୍ଦୀ ହୋଇଯାଇଛି । ଏପରିକି, ଗୋଦାବରୀ ନଦୀରେ ଜଳସ୍ତର ବୃଦ୍ଧି ପାଇଛି । ଫଳରେ ଗୋଦାବରୀ ନଦୀ ନିକଟରେ ଥିବା ଅଞ୍ଚଳରେ ହାଇ ଆଲର୍ଟ ଜାରି କରାଯାଇଛି ।
@ ANI
