ନୂଆଦିଲ୍ଲୀ: ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ବଲିଉଡକୁ ଘେରିଥିବା ଅଭିନେତ୍ରୀ କଙ୍ଗନା ରଣାୱତ ଏବେ ଅନ୍ତରାଷ୍ଟ୍ରୀୟ ମାମଲାରେ ମଧ୍ୟ ଦେଇଛନ୍ତି ଦଖଲ । ଏପରିସ୍ଥିତିରେ ସେ ନିଜ ମତ ଜନସାଧାରଣଙ୍କ ସାମ୍ନାରେ ରଖିଛନ୍ତି । ଏବେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସମର୍ଥନରେ ଆସିଛନ୍ତି କଙ୍ଗନା ।
ଭାରତରେ ବଲିଉଡ ସହ ଡ୍ରଗ୍ସ ଲିଙ୍କକୁ ନେଇ ବାରମ୍ବାର ସ୍ବର ଉଠାଇ ଆସୁଛନ୍ତି କଙ୍କନା । ଏବେ ସେ ଆମେରିକା ରାଷ୍ଟ୍ରପତି ଡୋଲାଲ୍ଡ ଟ୍ରମ୍ପଙ୍କ ଏକ ଟ୍ବିଟର ଦେଇଛନ୍ତି ଜବାବ । ଡେମୋକ୍ରାଟ ପାର୍ଟିର ପ୍ରାର୍ଥୀ ଜୋ ବିଡେନଙ୍କ ଡ୍ରଗ୍ସ ଟେଷ୍ଟ ପାଇଁ ଦାବି କରିଥିଲେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଟ୍ରମ୍ପ ଟ୍ହିଟ କରି ଲେଖିଥିଲେ ଯେ ମଙ୍ଗଳବାର ରାତିରେ ହେବାକୁ ଥିବା ବିତର୍କ ପୂର୍ବରୁ ଓ ଏହା ପରେ ବିଡେନଙ୍କ ଡ୍ରଗ୍ସ ଟେଷ୍ଟ ହେଉ । ଏହାସହ ସେ ନିଜର ଟେଷ୍ଟ କରିବାକୁ ମଧ୍ୟ ପ୍ରସ୍ତୁତ ବୋଲି କହିଥିଲେ ।
ଟ୍ରମ୍ପଙ୍କ ଏହି ଟ୍ବିଟର ସମର୍ଥନ କରିଛନ୍ତି ବଲିଉଡ ଅଭିନେତ୍ରୀ କଙ୍ଗନା ରଣାୱତ । କଙ୍ଗନା ଟ୍ବିଟ କରି ଲେଖିଛନ୍ତି, ଯେଉଁ ବିଷୟ ଉପରେ ଏହି ଟ୍ବିଟ କରାଯାଇଛି ତାର ମୁଁ ପ୍ରସଂଶା କରୁଛି । ଡ୍ରଗ୍ସ ନେବାର ଆରୋପ କାହାକୁ ଗାଳି ଦେବା ପରି ଅଟେ ବୋଲି କଙ୍ଗନା ଲେଖିଛନ୍ତି ।
