ବେଙ୍ଗାଲୁରୁ: ମାଙ୍ଗାଲୋର ବିମାନ ବନ୍ଦରରେ ଆଇଡି (ବିସ୍ଫୋରକ ସାମଗ୍ରୀ) ଭର୍ତ୍ତି ବ୍ୟାଗ ରଖିବା ଘଟଣାରେ ଅଭିଯୁକ୍ତ ଆଦିତ୍ୟ ରାଓକୁ ପୋଲିସ ରିମାଣ୍ଡରେ ପଠାଯାଇଛି । ଆଦିତ୍ୟକୁ 10 ଦିନ ପୋଲିସ ରିମାଣ୍ଡରେ ପଠାଇଛନ୍ତି ମାଙ୍ଗାଲୋର କୋର୍ଟ । ମାଙ୍ଗାଲୋର ବିମାନ ବନ୍ଦରରେ ଆଇଇଡି ରଖିଥିବା ଆତ୍ମସମର୍ପଣ ପରେ ଖୋଦ ଆଦିତ୍ୟ ସ୍ବୀକାର କରିଛନ୍ତି ।
କିଛି ଦିନ ପୂର୍ବରୁ ମାଙ୍ଗାଲୋର ବିମାନ ବନ୍ଦର ଟିକେଟ କାଉଣ୍ଟର ପାଖରୁ ଏକ ସନ୍ଦିଗ୍ଧ ବ୍ୟାଗ ମିଳିଥିଲା । ଯାଞ୍ଚ ପରେ ଏହି ବ୍ୟାଗରେ ବିସ୍ଫୋରକ ସାମଗ୍ରୀ ଥିବା ଜଣାପଡିଥିଲା । ବିମାନ ବନ୍ଦରରୁ ଆଇଡି ଭର୍ତ୍ତି ବ୍ୟାଗ ମିଳିବା ପରେ ସମ୍ପୂର୍ଣ୍ଣ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଥିଲା । ତେବେ ପରେ ଏହି ବିସ୍ଫୋରକ ଭର୍ତ୍ତି ବ୍ୟାଗ ରଖିଥିବା ଆଦିତ୍ୟ ରାଓ ବେଙ୍ଗାଲୁରୁ ପୋଲିସ ଆଗରେ ଆତ୍ମସମର୍ପଣ କରି ସ୍ବୀକାର କରିଥିଲା ।
