କୋଲକାତା: କୋରୋନା ରୋଗୀଙ୍କ ପାଇଁ ଆଇସୋଲେସନ କୋଚ୍ ତିଆରି କଲା ଇଣ୍ଡିଆନ ରେଳୱେ । ପଶ୍ଚିମବଙ୍ଗ ହାୱଡାରେ କୋରୋନା ରୋଗୀଙ୍କ ପାଇଁ ଆଇସୋଲେସନ କୋଚ୍ ତିଆରି କଲା ଭାରତୀୟ ରେଳୱେ ।
ଏହି କୋଚ୍ ଗୁଡିକ ଦକ୍ଷିଣ ପୂର୍ବ ରେଳ ଜୋନର ଟିକିଆପରା ଇଏମୟୁ କାର୍ ସେଡରେ ରଖାଯାଇଛି । ତେବେ ଏହାପୂର୍ବରୁ ପଶ୍ଚିମବଙ୍ଗରେ 12 ନୂଆ କୋରୋନା ମାମଲା ରିପୋର୍ଟ ହୋଇଥିଲା। ଏହାକୁ ମିଶାଇ ପଶ୍ଚିମବଙ୍ଗରେ ମୋଟ 80 କୋରୋନା ଆକ୍ରାନ୍ତ ରହିଛନ୍ତି ।
ତେବେ ଦେଶର ଏଭଳି ସଙ୍କଟ ସମୟରେ ଅତ୍ୟାବଶ୍ୟକ ସାମଗ୍ରୀ ପରିବହନ କରୁଥିବା ଭଲ ଟ୍ରେନ୍ ଚଳାଚଳ ବ୍ୟତୀତ ସମସ୍ତ ଯାତ୍ରୀବାହୀ ଟ୍ରେନ୍ ଚଳାଚଳ ସ୍ଥଗିତ ରଖିବାକୁ ଏହା ପୂର୍ବରୁ ଭାରତୀୟ ରେଳୱେ ଘୋଷଣା କରିଥିଲା । ଏଥିସହ ଭାରତୀୟ ରେଳୱେ ସରକାରଙ୍କୁ ସାହାଯ୍ୟ କରିବା ଉଦ୍ଦେଶ୍ୟରେ 2500 ଟ୍ରେନ୍ କୋଚ୍କୁ ୱାର୍ଡରେ ପରିଣତ କରିବା ସହ ଆଗକୁ ଆହୁରି 5000 ଟି କୋଚ୍ ତିଆରି କରିବାର ଲକ୍ଷ୍ୟ ରଖିଥିବା କହିଛି ।
