ଲକ୍ଷ୍ନୌ: ବାୟୁସେନା ଗୁରୁବାର 88 ତମ ଫାଉଣ୍ଡେସନ ଦିବସ ପାଳନ କରିବାକୁ ଯାଉଛି। ଏନେଇ ଗାଜିଆବାଦର ହିନ୍ଦନ ଏୟାରବେସରେ ଏକ ବଡ କାର୍ଯ୍ୟକ୍ରମ ଆୟୋଜିତ ହେବ । କୋରୋନା ସଙ୍କଟ ହେତୁ ଏଥର କାର୍ଯ୍ୟକ୍ରମରେ କିଛି ପରିବର୍ତ୍ତନ ଆସିବ । ଅନ୍ୟପକ୍ଷେ, ‘ଫ୍ଲାଏ ପାଷ୍ଟ’ ପାଇଁ ପ୍ରସ୍ତୁତି ଆରମ୍ଭ ହୋଇଛି।
ମଙ୍ଗଳବାର ବାୟୁସେନାର ହାଲୁକା ଯୁଦ୍ଧ ବିମାନ ‘ତେଜସ୍’ ଗାଜିଆବାଦ ଆକାଶରେ ଉଡି ନିଜର ଶକ୍ତି ପ୍ରଦର୍ଶନ କରିଛି। ବର୍ତ୍ତମାନ ସମ୍ପୂର୍ଣ୍ଣ ରିହର୍ସଲ ଚାଲିଛି । ଏହି ସମୟ ମଧ୍ୟରେ ବାୟୁସେନା ଅଧିକାରୀମାନେ ସମ୍ପୂର୍ଣ୍ଣ ଶକ୍ତି ପ୍ରଦର୍ଶନ କରିଛନ୍ତି । ତେଜସ ବ୍ୟତୀତ ଆଜି ଅନେକ ବିମାନ ଆକାଶରେ ଉଡିଛନ୍ତି। ପ୍ରକାଶଥାଉକି, ଏଥର ସମୁଦାୟ 56 ବିମାନ ବାୟୁସେନା ଦିବସ ‘ଫ୍ଲାଇଙ୍ଗ ପାଷ୍ଟ’ରେ ଉଡିବ । ଗତ ବର୍ଷ ଏହି ସଂଖ୍ୟା 51 ଥିଲା । ଏଥିରେ ରାଫେଲ ଯୁଦ୍ଧ ବିମାନ ମଧ୍ୟ ସାମିଲ ହେବ।
8 ଅକ୍ଟୋବର 1932 ରେ ଭାରତୀୟ ବାୟୁସେନା ପ୍ରତିଷ୍ଠା କରାଯାଇଥିଲା । ଏଥର ବାୟୁସେନା ଏହାର 88 ତମ ଫାଉଣ୍ଡେସନ ଦିବସ ପାଳନ କରିବ। ପ୍ରତିବର୍ଷ ପରି ଏଥର ମଧ୍ୟ ଏହି ଫ୍ଲାଏ ପାଷ୍ଟ ଗାଜିଆବାଦର ହିନ୍ଦନ ଏୟାରବେସରେ ପାଳନ କରାଯିବ।
