ମଥୁରା: କୃଷ୍ଣ ଜନ୍ମଭୂମି ଉପରେ ଦାଏର ହୋଇଥିବା ଆବେଦନକୁ ଖାରଜ କରିଦେଇଛନ୍ତି ମଥୁରା ସିଭିଲ କୋର୍ଟ। ଶୁଣାଣି ପାଇଁ ଆବେଦନ ଗ୍ରହଣ କରିବାକୁ ପର୍ଯ୍ୟାପ୍ତ କାରଣ ନଥିବା ଦର୍ଶାଇ କୋର୍ଟ ଏହି ଯାଚିକା ଖାରଜ କରିଛନ୍ତି। ଏହି ଆବେଦନରେ କୁହାଯାଇଥିଲା ଯେ 1968 ମସିହାରେ ହୋଇଥିବା ବେଆଇନ ଚୁକ୍ତିନାମା ଅନୁଯାୟୀ ଭଗବାନ କୃଷ୍ଣଙ୍କ ପ୍ରକୃତ ଜନ୍ମସ୍ଥାନ ମସଜିଦକୁ ପ୍ରଦାନ କରାଯାଇଥିଲା ।
ଅଦାଲତ କହିଛନ୍ତି ଯେ 1991 ର ପ୍ଲେସ୍ ଅଫ ୱର୍ସିପ ଅଧିନିୟମ ଅନୁଯାୟୀ, ମନ୍ଦିରର ସ୍ଥିତି ବଜାୟ ରହିବ। କେବଳ ଅଯୋଧ୍ୟା ମାମଲାରେ ଏହି ନିୟମକୁ ବାଦ ଦିଆଯାଇଥିଲା।
ବରିଷ୍ଠ ଆଇନଜୀବୀ ହରିଶଙ୍କର ଜୈନ ଏବଂ ଆଇନଜୀବୀ ବିଷ୍ଣୁ ଶଙ୍କର ଜୈନ କହିଛନ୍ତି ଯେ ସେମାନେ ଏହି ମାମଲାରେ ଭାରତୀୟ ଦଣ୍ଡବିଧି ସଂହିତା 16 ଏବଂ 20କୁ କୋର୍ଟଙ୍କ ନିକଟରେ ଦର୍ଶାଇଛନ୍ତି। ପ୍ରତ୍ୟେକ ଭାରତୀୟ ନାଗରିକ ଯେକୌଣସି ଜିଲ୍ଲାରେ ଯେକୌଣସି ସ୍ଥାନରେ ଅଭିଯୋଗ କରିବାର ଅଧିକାର ପାଇଛନ୍ତି।
