ନୂଆଦିଲ୍ଲୀ: ଗୋଆ ପୋଲିସ ପାଇଁ ଦୁଖଃଦ ଘଟଣା । ଗତ ବିଳମ୍ବିତ ରାତିରେ ଗୋଆ ପୋଲିସ ମହାନିର୍ଦ୍ଦେଶକ ପ୍ରଣବ ନନ୍ଦାଙ୍କ ନିଧନ ହୋଇଛି । ଗୋଆ ପୋଲିସ ସୂଚନା ଅନୁସାରେ ଗତ ବିଳମ୍ବିତ ରାତିରେ ତାଙ୍କ ଛାତିରେ ଯନ୍ତ୍ରଣା ହୋଇଥିଲା । ପରବର୍ତ୍ତୀ ଅବସ୍ଥାରେ (କାର୍ଡିଆକ ଆରେଷ୍ଟ)ରେ ତାଙ୍କର ମୃତ୍ୟୁ ହୋଇଛି ।
ଗୋଆ ଆଇଜିପି ଜସପାଲ ସିଂଙ୍କ ସୂଚନା ଅନୁସାରେ ଡିଜିପି ପ୍ରଣବ ଗତ ସଂଧ୍ୟାରେ ରାଜ୍ୟ ପୋଲିସ ମୁଖ୍ୟାଳୟରେ ଦୁଇଟି ଗୁରୁତ୍ବପୂର୍ଣ୍ଣ ବୈଠକରେ ଯୋଗଦେଇଥିଲେ । ଏହାପରେ ସେ ଦିଲ୍ଲୀ ଗସ୍ତ ପାଇଁ ବାହାରିଥିଲେ । ସିଂ ଆହୁରି କହିଛନ୍ତି ପ୍ରଣବ ନନ୍ଦା ଜଣେ ଦକ୍ଷ, କଲ୍ୟାଣକାରୀ ଅଫିସର ଥିଲେ । ତାଙ୍କ କାର୍ଯ୍ୟକଳାପ ବିଚକ୍ଷଣ ଥିଲା ବୋଲି ସେ କହିଛନ୍ତି।
1988 ବ୍ୟାଚ ଆଇପିଏସ ଅଫିସର ପ୍ରଣବ ନନ୍ଦା ଗତ ଫେବୃୟାରୀରୁ ରାଜ୍ୟ ପୋଲିସ ମହାନିର୍ଦ୍ଦେଶକ ଭାବେ କାର୍ଯ୍ୟକରୁଥିଲେ ।
