ଜୟପୁର: ରାଜସ୍ଥାନର ଦେୱାରଘାଟ ଅଞ୍ଚଳରେ ସଡକ ଦୁର୍ଘଟଣା । ବସ ଓଲଟି 4 ମୃତ । 20ରୁ ଅଧିକ ଗୁରୁତର ଆହତ । ସ୍ଥାନୀୟ ଡାକ୍ତରଖାନାରେ ଭର୍ତ୍ତି ।
ଦେୱାରଘାଟ ଅଞ୍ଚଳର ଜାତୀୟ ରାଜପଥ 8ରେ ରବିବାର ସକାଳୁ ଏହି ଦୁର୍ଘଟଣା ଘଟିଛି । ଭାରସାମ୍ୟ ହରାଇ ବସଟି ଓଲଟି ପଡିବା ଫଳରେ ଏପରି ଦୁର୍ଘଟଣା ଘଟିଛି । ଖବରପାଇ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚିବା ସହ ଦୁର୍ଘଟଣାଗ୍ରସ୍ତ ଲୋକଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଛନ୍ତି ।
ସେପଟେ ଜାତୀୟ ରାଜପଥରେ ଦୁର୍ଘଟଣା ଘଟିଥିବାରୁ ଉଭୟ ପାର୍ଶ୍ବରେ ଶହଶହ ଗାଡି ଅଟକି ରହିଥିଲା । ତେବେ ପୋଲିସ ଗାଡିକୁ ରାସ୍ତାରୁ ହଟାଇବା ପରେ ଯାତାୟତ ସ୍ବାଭାବିକ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
