କୋଲକାତା: ଲକଡାଉନ ନିୟମ ଭାଙ୍ଗିବା ଲୋକଙ୍କ ଅଭ୍ୟାସ ପାଲଟିଗଲାଣି । ଏପରିକି ଅନେକ ସ୍ଥାନରେ ନିୟମ ଭାଙ୍ଗିବା ସହ ପୋଲିସ ଉପରକୁ ଆକ୍ରମଣ ଭଳି ଘଟଣା ଦେଖିବାକୁ ମିଳୁଛି । ସମାନ ଘଟଣା ପଶ୍ଚିମବଙ୍ଗର ହାୱଡାରେ ଘଟିଛି ।
ମଙ୍ଗଳବାର ଟିକିଆପରାର ଏକ ମାର୍କେଟରେ ଅନେକ ଲୋକ ଏକାଠି ହୋଇଥିଲେ । ଲକଡାଉନ ନିୟମ ଭାଙ୍ଗି ଏଠାରେ ଲୋକ ଗହଳି ଲଗାଇଥିଲେ । ଖବର ପାଇ ପୋଲିସ କର୍ମୀ ଘଟଣାସ୍ଥଳରେ ପହଞ୍ଚି ଲୋକଙ୍କୁ ଘରକୁ ଫେରିଯିବାକୁ ନିର୍ଦ୍ଦେଶ ଦେଇଥିଲେ ।
ତେବେ ଏଥିରେ ଲୋକେ ଉତକ୍ଷିପ୍ତ ହୋଇ ପୋଲିସ ଉପରକୁ ଆକ୍ରମଣ କରିଥିଲେ । ଏପରିକି କିଛି ଲୋକ ପୋଲିସ ଉପରକୁ ଟେକା ପଥର ମଧ୍ୟ ଫିଙ୍ଗିଥିଲେ । ଏଥିରେ 2 ଜଣ ପୋଲିସ କର୍ମୀ ଆହତ ହୋଇଥିବା ଜଣାପଡିଛି । ଘଟଣାସ୍ଥଳରେ ପ୍ରବଳ ପୋଲିସ ଫୋର୍ସ ଓ ରାପିଡ ଆକ୍ସନ ଫୋର୍ସ ମୁତୟନ ହୋଇଛନ୍ତି ।
ସୌଜନ୍ୟ@ANI
