ଚେନ୍ନାଇ: ଅନଲାଇନ ଜୁଆଖେଳରେ ହାରି ଆତ୍ମହତ୍ୟା କଲେ କଲେଜ ଛାତ୍ର । ଏଭଳି ଦୁଃଖଦ ଘଟଣା ଘଟିଛି ତାମିଲନାଡୁର ଅମିନଜିକାରାଇ ଅଞ୍ଚଳରେ । ମୃତକ ଜଣକ ହେଲେ ନୀତିଶ କୁମାର । ସେ ଏକ ଘରୋଇ କଲେଜରେ ତୃତୀୟ ବର୍ଷର ଛାତ୍ର ଥିବାବେଳେ ତାଙ୍କ ପିତାମାତାଙ୍କ ସହ ଅମିନଜିକାରାଇ ଅଞ୍ଚଳର ଟିପିଚାତ୍ରମରେ ରହୁଥିଲେ । ମାତ୍ର ଏବେ କୋରୋନା ଯୋଗୁଁ କଲେଜ ଛୁଟି ଥିବାରୁ ସେ ଅମିନଜିକାରାଇର ଏକ ଟାଟୁ ଷ୍ଟୁଡିଓରେ ପାର୍ଟ ଟାଇମ୍ କାମ କରୁଥିଲେ ।
ରବିବାର ରାତିରେ, ସେ ବହୁତ ସମୟ ଧରି ଘରକୁ ନଫେରିବାରୁ ନୀତିଶଙ୍କ ବାପା ତାଙ୍କୁ କଲ କରିଥିଲେ । ହେଲେ ମୋବାଇଲ ଫୋନ ସୁଇଚ ଅଫ ଆସିବାରୁ ନୀତିଶ କାମ କରୁଥିବା ଟାଟୁ ଷ୍ଟୁଡିଓ ମାଲିକକୁ ମଧ୍ୟ ତାଙ୍କ ବାପା କଲ କରିଥିଲେ । ଯାହାପରେ ନୀତିଶ ସେହି ଟାଟୁ ଷ୍ଟୁଡିଓ ଛାତରେ ରଶି ଲଗାଇ ଆତ୍ମହତ୍ୟା କରିଥିବା ମାଲିକ ତାଙ୍କ ପିତାମାତାଙ୍କୁ ସୂଚନା ଦେଇଥିଲେ ।
