ହାଇଦ୍ରାବାଦ: ତେଲେଙ୍ଗାନାରୁ ଏକ ଅଭାବନୀୟ ଘଟଣା ସାମ୍ନାକୁ ଆସିଛି । ହାଇଦ୍ରାବାଦର ନାରଗମ ଗ୍ରାମର ଏକ ଜରାଶ୍ରମରେ ବୃଦ୍ଧ-ବୃଦ୍ଧାଙ୍କୁ ଅମାନବୀୟ ବ୍ୟବହାର କରିବା ଅଭିଯୋଗ ପରେ ପୋଲିସ ଏକ ମାମଲା ରୁଜୁ କରିଛି ।
ପ୍ରକାଶିତ ଖବର ମୁତାବକ ଜରାଶ୍ରମରେ ରହୁଥିବା ବୃଦ୍ଧ-ବୃଦ୍ଧାଙ୍କୁ ଏକ କୋଠରୀରେ ଶିଙ୍କୁଳିରେ ବାନ୍ଧି ରଖାଯାଇଥିଲା। ପଡୋଶୀ ବୃଦ୍ଧ-ବୃଦ୍ଧାଙ୍କ କାନ୍ଦ ଶୁଣି ପୋଲିସକୁ ଅଭିଯୋଗ କରିବା ପରେ ଘଟଣାଟି ସାମ୍ନାକୁ ଆସିଥିଲା ।
ଏଠାରେ ଥିବା ଏକ ଜରାଶ୍ରମରୁ ପ୍ରାୟ 70 ଜଣ ବୃଦ୍ଧ-ବୃଦ୍ଧାଙ୍କୁ ଉଦ୍ଧାର କରାଯାଇଛି। ସେମାନଙ୍କ ଡାକ୍ତରୀ ଚିକିତ୍ସା ପାଇଁ ହସ୍ପିଟାଲକୁ ପଠାଯାଇଥିଲା । ସେମାନଙ୍କ ମଧ୍ୟରୁ ଅଧିକାଂଶ ମାନସୀକ ରୋଗୀ ବୋଲି ଜଣାପଡିଛି । ସମ୍ପୃକ୍ତ ଘଟଣାରେ ପୋଲିସ ଜରାଶ୍ରମର ପରିଚାଳକଙ୍କ ନାମରେ ମାମଲା ରୁଜୁ କରି ତଦନ୍ତ ଚଳାଇଛି ।
