ଜୟପୁର: ମର୍ମନ୍ତୁଦ ସଡକ ଦୁର୍ଘଟଣାରେ 9 ମୃତ । ରାଜସ୍ଥାନର ଭିଲୱାଡାରେ ଏକ ବିବାହ କାର୍ଯ୍ୟକ୍ରମରେ ସାମିଲ ହୋଇ ଫେରୁଥିବାବେଳେ ବସକୁ ଅଟୋ ଓଭରଟେକ କରି ଦୁର୍ଘଟଣାର ସମ୍ମୁଖୀନ ହୋଇଛି ।
ସୂଚନା ଅନୁଯାୟୀ ରାଜସ୍ଥାନର ଭିଲୱାଡା ସହରର ଏକ କ୍ରୁଜର ଅଟୋରେ ବାହାରି କୋଟା ଜିଲ୍ଲାର ରାମଗଞ୍ଜ ଜିଲ୍ଲାରେ ବିବାହ କାର୍ଯ୍ୟରେ ଯୋଗଦେଇଥିଲେ । ରାତିରେ ଫେରୁଥିବାବେଳେ ଅଟୋ ଡ୍ରାଇଭରଙ୍କ ଖରାପ ଗାଡି ଚାଳନା ଯୋଗୁଁ ଏକ ବସକୁ ଓଭରଟେକ କରୁଥିବା ସମୟରେ ଧକ୍କା ଦେଇଥିଲା ଏବଂ ରାସ୍ତା ତଳକୁ ଖସିପଡିଥିଲା । ବସ ମଧ୍ୟ ଭାରସାମ୍ୟ ହରାଇ ଅନିୟନ୍ତ୍ରିତ ଭାବରେ ରାସ୍ତା ତଳକୁ ଖସି ପଡିଥିଲା । ଫଳରେ ଘଟଣାସ୍ଥଳରେ 9 ଜଣଙ୍କ ମୃତ୍ୟୁ ଘଟିଛି । ଯେଉଁଥିରେ 5 ଜଣ ପୁରୁଷ ହୋଇଥିବାବେଳେ 3 ମହିଳା ଓ 1 ବାଳିକା ମୃତ୍ୟୁ ବରଣ କରିଛନ୍ତି ।
ଘଟଣାସ୍ଥଳରେ ଜିଲ୍ଲା ଆରକ୍ଷୀ ଅଧିକ୍ଷକ ଓ ପୋଲିସ ପହଞ୍ଚି ଆହତ 15 ଜଣଙ୍କୁ ଉଦ୍ଧାର କରି ନିକଟସ୍ଥ ଚିକିତ୍ସାଳୟରେ ଭର୍ତ୍ତି କରିଛନ୍ତି । ଭିଲୱାଡା ଜିଲ୍ଲାପାଳ ରାଜେନ୍ଦ୍ର ଭଟ୍ଟ ଚିକିତ୍ସାଳୟରେ ସଙ୍କଟାପନ୍ନଙ୍କୁ ସ୍ଥାନାନ୍ତର କରିଥିବା ସୂଚନା ଦେଇଛନ୍ତି ।
ସେହିପରି ରାଜସ୍ଥାନର ପାଲି ଜିଲ୍ଲାର ସଜୋତ ଥାନା ଅନ୍ତର୍ଗତ ଏନଏଚ 162ରେ ଅନିୟନ୍ତ୍ରିତ ଭାବରେ ଭାରସାମ୍ୟ ହରାଇ ଟ୍ରଲର ଏକ ଠିଆ ହୋଇଥିବା ଟ୍ରାଭେରା କାରକୁ ଧକ୍କାମାରିଛି । କାରରେ ଥିବା ତିନିଜଣ ଘଟଣାସ୍ଥଳରେ ହିଁ ମୃତ୍ୟୁବରଣ କରିଥିବାବେଳେ 6 ଜଣ ଆହତ ହୋଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
