କୋଲକାତା: ବିଜେପି ନେତା ସୌଭିକ ମୁଖାର୍ଜୀଙ୍କ ସନ୍ଦେହଜନକ ମୃତ୍ୟୁ ହୋଇଛି । ବାସଭବନରୁ ଉଦ୍ଧାର ହେଲା ମୃତଦେହ । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛି । ମୃତ୍ୟୁର କାରଣ ଅସ୍ପଷ୍ଟ ରହିଛି । ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି ପୋଲିସ । ପଶ୍ଚିମବଙ୍ଗର ହୋଙ୍ଗୋଲି ଜିଲ୍ଲାରେ ଏଭଳି ଘଟଣା ଘଟିଛି । ସେ ଭାରତୀୟ ଯୁବ ମୋର୍ଚ୍ଚାର ଗୋଘାଟ ମଣ୍ତଳ ୟୁନିଟର ସଭାପତି ଥିଲେ।
ସୂଚନା ଅନୁସାରେ, ତୃଣମୂଳ କଂଗ୍ରେସର ଷଡଯନ୍ତ୍ରର ଶୀକାର ହୋଇଥିବାରୁ ସେ ମାନଷିକ ଚାପରେ ଥିଲେ ବୋଲି ବିଜେପି ପକ୍ଷରୁ ଅଭିଯୋଗ ହୋଇଛି । ସେପଟେ, ଏଭଳି ଅଭିଯୋଗକୁ ଖଣ୍ତନ କରିଛି ତୃଣମୂଳ କଂଗ୍ରେସ । ମୃତ୍ୟୁ ବରଣ କରିଥିବା ନେତା ଜଣଙ୍କ ଜଣେ ନାବାଳିକାଙ୍କ ସହ ସମ୍ପର୍କ ରଖିଥିଲେ । ହେଲେ ସମ୍ପର୍କରେ ଫାଟ ସୃଷ୍ଟି ହେବାରୁ ସେ ଆତ୍ମହତ୍ୟା କରିଥିବା ଟିଏମସି ପକ୍ଷରୁ କୁହାଯାଇଛି ।
