ପାଟନା: ଦେଶଦ୍ରୋହ ମାମଲାରେ ଶରଜିଲ ଇମାମର ଗିରଫକୁ ନେଇ ବଡ ବୟାନ ଦେଇଛନ୍ତି ବିହାର ମୁଖ୍ୟମନ୍ତ୍ରୀ ନିତିଶ କୁମାର । ଟୁକଡେ ଟୁକଡେ ଗ୍ୟାଙ୍ଗ ଏବେ ସମାପ୍ତ ହୋଇଯିବ ବୋଲି କହିଛନ୍ତି ନିତିଶ । ଦେଶ ବିରୋଧୀ ଭାଷଣ ଦେଇଥିବା ଶରଜିଲକୁ ଦିଲ୍ଲୀ ପୋଲିସ ବିହାରର ଜାହାନାବାଦରୁ ଗିରଫ କରିଛି । କେହି ବି ଦେଶ ହିତରେ ହୋଇ ନଥିବା କାର୍ଯ୍ୟ କରିବା ଉଚିତ ନୁହେଁ ବୋଲି ନିତିଶ କହିଛନ୍ତି ।
ଟୁକଡେ ଟୁକଡେ ଗ୍ୟାଙ୍ଗ୍ର ହେବ ସମାପ୍ତ: ନିତିଶ କୁମାର
ପୋଲିସକୁ 2ଟି ଭାଇରାଲ ଭିଡିଓ ମିଳିଥିବା ଡିସିପି ରାଜେଶ ଦେବ ସୂଚନା ଦେଇଛନ୍ତି । ଗୋଟିଏ ଭିଡିଓ 13 ଡିସେମ୍ବରର ଜାମିୟାର ହୋଇଥିବାବେଳେ ଅନ୍ୟଟି 16 ଡିସେମ୍ବର ଏମଏମୟୁର ବୋଲି କୁହାଯାଉଛି । ଏହି 2ଟି ଭିଡିଓରେ ଶରଜିଲ ଦେଶ ବିରୋଧୀ ବୟାନ ଦେଇଥିବା ଦର୍ଶାଯାଇଛି । ଭିଡିଓକୁ ନେଇ 25 ଜାନୁଆରୀ କ୍ରାଇମବ୍ରାଞ୍ଚରେ ମାମଲା ରୁଜୁ ହୋଇଥିଲା ।
