କୋଲକାତା: ପଶ୍ଚିମବଙ୍ଗ ବିଜେପି ରାଜ୍ୟ ସଭାପତି ଦିଲ୍ଲୀପ ଘୋଷ ଅନେକ ଥର ନିଜ ବିତର୍କିତ ବୟାନ କାରଣରୁ ବିବାଦ ଘେରରେ ଫସିଛନ୍ତି । ନାଗରିକତ୍ବ ସଂଶୋଧନ ଆଇନ (ସିଏଏ)କୁ ନେଇ ଏକ ସଭାରେ ସେ ବିବାଦପୂର୍ଣ୍ଣ ବୟାନ ଦେଇଛନ୍ତି ।
ସାର୍ବଜନୀନ ସମ୍ପତ୍ତିକୁ ନଷ୍ଟ କରୁଥିବା ପ୍ରଦର୍ଶନକାରୀଙ୍କୁ ବିଜେପି କ୍ଷମତାସୀନ ରାଜ୍ୟରେ କୁକୁରଙ୍କ ଭଳି ପିଟା ଯାଉଥିବା ବୟାନ ସେ ଦେଇଛନ୍ତି । ଏହାସହ ସେ ଆହୁରି କହିଛନ୍ତି ଯେ, ପ୍ରଦର୍ଶନକାରୀଙ୍କୁ ଲାଠିରେ ମାଡ ମାରି ଜେଲରେ ବନ୍ଦ କରାଯିବ ।
ଦିଲ୍ଲୀପ ଘୋଷ ଆହୁରି କହିଛନ୍ତ ଯେ, ପ୍ରଦର୍ଶନକାରୀଙ୍କ ବିରୋଧରେ ମମତା କୌଣସି ପ୍ରକାର କାର୍ଯ୍ୟାନୁଷ୍ଠାନ ନନେବାର କାରଣ ଭୋଟ ବ୍ୟାଙ୍କ ରାଜନୀତି ।
