କେଦାରନାଥ ଗସ୍ତରେ ସେନା ପ୍ରମୁଖ ବିପିନ ରାୱତ

ନିଜ ଧର୍ମପତ୍ନୀଙ୍କ ସହ କେଦାରନାଥ ଧାମ ପହଞ୍ଚି ପୂଜାର୍ଚ୍ଚନା କରିଛନ୍ତି ଭାରତୀୟ ସ୍ଥଳ ସେନା ପ୍ରମୁଖ ଜେନେରାଲ ବିପିନ ରାୱତ ।

ଡେରାଡୁନ: କେଦାରନାଥରେ ଭାରତୀୟ ସ୍ଥଳ ସେନା ପ୍ରମୁଖ ଜେନେରାଲ ବିପିନ ରାୱତ । ନିଜ ଧର୍ମପତ୍ନୀଙ୍କ ସହ କେଦାରନାଥ ଧାମ ପହଞ୍ଚି ପୂଜାର୍ଚ୍ଚନା କରିଛନ୍ତି ସେ । ଏହାପରେ ସେ ବଦ୍ରିନାଥ ଧାମ ଯିବେ ବୋଲି ଜଣାପଡିଛି । ତେବେ ସେନା ପ୍ରମୁଖଙ୍କ ଗସ୍ତକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ଅତିରିକ୍ତ ସାମରିକ ବାହିନୀକୁ ସେଠାରେ ନିୟୋଜିତ କରାଯାଇଛି ।

ବିପିନ ରାୱତ ଡେରାଡୁନର ଆର୍ମି କ୍ୟାଣ୍ଟ ହେଲିପ୍ୟାଡ ଯୋଗେ ଆଜି ସକାଳେ କେଦାରନାଥ ଧାମରେ ପହଞ୍ଚିଥିଲେ । ପୂଜାର୍ଚ୍ଚନା ସାରି ସେ ସ୍ଥାନୀୟ ପ୍ରଶାସନ, ମନ୍ଦିର ସମିତିର କାର୍ଯ୍ୟକର୍ତ୍ତାଙ୍କ ସହ ଆଲୋଚନା କରିଛନ୍ତି ।