ଆମେଥି : ପଞ୍ଚମ ପର୍ଯ୍ୟାୟ ଲୋକସଭା ନିର୍ବାଚନ ପାଇଁ ଶନିବାର ଥିଲା ପ୍ରଚାରର ଶେଷ ଦିନ । ଶେଷ ଦିନରେ ହିଁ ଦେଖିବାକୁ ମିଳିଥିଲା ହାଇ ଭୋଲଟେଜ ପ୍ରଚାର । କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ମୋଦିଙ୍କୁ କରିଛନ୍ତି ଜୋରଦାର ଟାର୍ଗେଟ । 'ସବୁ ଚୌକିଦାର ଚୋର ନୁହଁନ୍ତି, କେବଳ ଜଣେ ହିଁ ଚୌକିଦାର ଚୋର' ବୋଲି କହିଛନ୍ତି ରାହୁଲ ।
ଗାନ୍ଧୀ ପରିବାରର ଗଡ଼ କୁହାଯାଉଥିବା ଆମେଥି ଏବଂ ରାୟବରେଲିରେ ବିଜେପି ମଧ୍ୟ ଶନିବାର କରିିଥିଲା ବିଶାଳ ଜନସଭା । ସେହିପରି ସ୍ମୃତି ଇରାନୀଙ୍କ ପାଇଁ ରୋଡ୍ ସୋ କରିଛନ୍ତି ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହା ଏବଂ ରାୟବରେଲିରେ ପ୍ରଚାର କରିଛନ୍ତି ସନ୍ନି ଦେଓଲ୍ ।
ପ୍ରିୟଙ୍କା ଗାନ୍ଧୀ ଆମେଥିରେ ଜନସଭା କରିଥିବା ବେଳେ ରାୟବରେଲିରେ ପ୍ରଚାର କରିଛନ୍ତି ରାହୁଲ । ଜନସଭାକୁ ସମ୍ବୋଧିତ କରିବା ବେଳେ ରାହୁଲ ମୋଦିଙ୍କୁ ଚୌକିଦାର କହି କଟାକ୍ଷ କରିଥିଲେ ।
