ଗୌହାଟି: ଆସାମରୁ ବିପୁଳ ପରିମାଣର ଗୁଳି ସହ ଅସ୍ତ୍ରଶସ୍ତ୍ର ଜବତ କରାଯାଇଛି । ଶନିବାର ଆସାମର ବକସା ପୋଲିସ ବିପୁଳ ପରିମାଣର ଗୁଳି ସହ ଅସ୍ତ୍ରଶସ୍ତ୍ର ଜବତ କରିଛି ।
ପୋଲିସର ସୂଚନା ଅନୁଯାୟୀ, ବକସା ଜିଲ୍ଲାର ଦିରିଙ୍ଗ ନଦୀ ନିକଟସ୍ଥ ଚିନାଡି ବସ୍ତିରେ ଅସ୍ତ୍ରଶସ୍ତ୍ର ଏବଂ ଗୁଳି ଆଦି ଲୁଚାଇ ରଖାଯାଇଥିଲା । ଖବର ପାଇ ପୋଲିସ ଦୁଇଟି ଏକେ- 47 ରାଇଫଲ, ଚାରୋଟି ମାଗାଜିନ ଏବଂ 520 ରାଉଣ୍ଡ ଜୀବନ୍ତ ଗୁଳି ଜବତ କରିଛି ।
ପ୍ରକାଶ ଥାଉକି, ଗତ କିଛି ମାସ ହେବ ଏହି ଅଞ୍ଚଳରୁ ବାରମ୍ବାର ବିପୁଳ ପରିମାଣର ଅସ୍ତ୍ରଶସ୍ତ୍ର ଏବଂ ଗୁଳି ଜବତ କରାଯାଉଛି । ତେବେ ଆତଙ୍କବାଦୀମାନେ କେଉଁ ଉଦ୍ଦେଶ୍ୟରେ ଏହି ସବୁ ଅସ୍ତ୍ରଶସ୍ତ୍ର ଲୁଚାଇ ରଖିଥିଲେ ତାହା ସ୍ପଷ୍ଟ ହୋଇପାରିନାହିଁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
