ହାନ୍ଦୱାରା : ସୀମାରେ ଥମୁନି ଆତଙ୍କୀଙ୍କ ହମଲା । ହିନ୍ଦୱାରାର ଗାନିପୋରା ଅଞ୍ଚଳରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ଘଟଣାରେ କାଶ୍ମୀରର ପୋଲିସ ମହାନିର୍ଦ୍ଦେଶକ ବିଜୟ କୁମାରଙ୍କ ସୂଚନା । ଏହି ଘଟଣାରେ 2 ଜଣ ଆତଙ୍କୀ ପ୍ରାଣ ହରାଇଛନ୍ତି । ଯେଉଁଥିରେ ଲସ୍କର-ଏ-ତୋଏବାର ଜଣେ କମାଣ୍ଡର ନିପାତ ହୋଇଛି ।
ଗୁରୁବାର ସେ ସୂଚନା ଦେବାକୁ ଯାଇ କହିଛନ୍ତି ଯେ, ଚଳିତବର୍ଷ ମେ' 4 ତାରିଖରେ ବାନ୍ଦଗାମ ହନ୍ଦୱାଡାରେ ଅର୍ଦ୍ଧସାମରିକ ବଳ ସିଆରପିଏଫର ଜଣେ ଯବାନଙ୍କ ଠାରୁ ଛଡାଇ ନିଆଯାଇଥିବା ଏକ ଏକେ-47 ରାଇଫଲକୁ ଲସ୍କର-ଏ-ତୋଏବାର କମାଣ୍ଡର ନାସିର-ଉ-ଦିନ୍ ଲୋନଙ୍କ ଠାରୁ ଉଦ୍ଧାର କରାଯାଇଛି ।
ଯାହାକୁ ଗତକାଲି(ବୁଧବାର)ରାତିରେ କୁପୱାରା ଜିଲ୍ଲାର ଉତ୍ତର କାଶ୍ମୀର ଅଞ୍ଚଳର ଜଣେ ସହଯୋଗୀଙ୍କ ସହ ନିପାତ କରାଯାଇଛି । ଏନେଇ କାଶ୍ମୀର ଜୋନ ପୋଲିସ ପକ୍ଷରୁ ସୂଚନା ଦିଆଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
