ବେଙ୍ଗାଲୁରୁ: କର୍ଣ୍ଣାଟକରେ ବର୍ତ୍ତମାନ ସୁଦ୍ଧା 98 ହଜାର 4ଶହ ଏକ ଜଣ ଯାତ୍ରୀଙ୍କୁ କୋରୋନା ପାଇଁ ସ୍କ୍ରିନିଂ କରାଯାଇଛି । ସେହିଭଳି ସେଥିରୁ 4 ଜଣ କୋରୋନାରେ ଆକ୍ରାନ୍ତ ହୋଇଥିବା ଜଣାପଡିଛି । ଏନେଇ କର୍ଣ୍ଣାଟକ ସରକାରଙ୍କ ପକ୍ଷରୁ ସୂଚନା ଦିଆଯାଇଛି । ଆକ୍ରାନ୍ତ 4 ଜଣଙ୍କ ସ୍ବାସ୍ଥ୍ୟାବସ୍ଥା ସ୍ଥିର ରହିଛି । ସେମାନଙ୍କୁ ସ୍ବତନ୍ତ୍ର ୱାର୍ଡରେ ରଖାଯାଇ ଚିକିତ୍ସା କରାଯାଉଛି ।
ପ୍ରମୁଖ ଭାବରେ ବିମାନବନ୍ଦର ଦେଇ ବିଦେଶରୁ ଫେରିଥିବା ଯାତ୍ରୀଙ୍କ ସ୍କ୍ରିନିଂ କରାଯାଇଛି । ତେବେ ମୋଟ 98 ହଜାର 4ଶହ ଏକ ଜଣ ଯାତ୍ରୀଙ୍କୁ କୋରୋନା ପାଇଁ ସ୍କ୍ରିନିଂ କରାଯାଇଛି । କର୍ଣ୍ଣାଟକ ସରକାର କୋରୋନା ପରିସ୍ଥିତି ଉପରେ ନଜର ରଖିଥିବା ନେଇ ରାଜ୍ୟ ସ୍ବାସ୍ଥ୍ୟବିଭାଗ ପକ୍ଷରୁ କୁହାଯାଇଛି ।
ସୂଚନାଯୋଗ୍ୟ, ଭାରତରେ ବର୍ତ୍ତମାନ ସୁଦ୍ଧା 60 ଜଣ କୋରୋନାରେ ଆକ୍ରାନ୍ତ ଥିବା ଜଣାପଡିଛି । ଏଥିମଧ୍ୟରେ ଡେଲ ଓ ମାଇଣ୍ଡ ଟ୍ରିର 2 କର୍ମଚାରୀ ରହିଛନ୍ତି । କର୍ମଚାରୀ ଦୁଇ ଜଣଙ୍କୁ ସ୍ବତନ୍ତ୍ର ଭାବେ ଚିକିତ୍ସା କରାଯାଉଛି । ଉଭୟ କର୍ମଚାରୀ ନିକଟରେ ବିଦେଶରୁ ଫେରିଥିଲେ । ଏହାକୁ ନେଇ ଦେଶର ସମସ୍ତ ରାଜ୍ୟରେ ହାଇଆଲର୍ଟ ଜାରି କରାଯାଇଛି ।
@ANI
