ଥିରୁଅନନ୍ତପୁରମ: ତ୍ରିସୁରର ଦେଶମଙ୍ଗଳମ ଜଙ୍ଗଲରେ ଅଗ୍ନିକାଣ୍ଡ । ଏହି ଘଟଣାରେ କାର୍ଯ୍ୟରତ ଥିବା ତିନି ବନ କର୍ମଚାରୀଙ୍କ ମୃତ୍ୟୁ ଘଟିଛି । ରବିବାର ଅଗ୍ନିକାଣ୍ଡରେ ଗୁରୁତର ଆହତ ହୋଇଥିଲେ ଏହି ତିନି କର୍ମଚାରୀ । ନିଆଁ ଏପରି ଭୟାବହ ଥିଲା ଯେ, ତିନି ଜଣ ବନକର୍ମଚାରୀଙ୍କ ଶରୀର ପ୍ରାୟ 90 ପ୍ରତିଶତ ପୋଡ଼ି ହୋଇଯାଇଥିଲା ।
ଜଙ୍ଗଲରେ ଅଗ୍ନିକାଣ୍ଡ, ତିନି ବନ କର୍ମଚାରୀ ମୃତ
ପ୍ରଥମେ ସେମାନଙ୍କୁ ତ୍ରିଶୁର ସ୍ଥିତ ଜୁବୁଲି ମିଶନ ହସ୍ପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ମେଡିକାଲରେ ସେମାନଙ୍କର ମୃତ୍ୟୁ ଘଟିଛି । ମୃତକଙ୍କ ମଧ୍ୟରେ 43 ବର୍ଷୀୟ ଦିବାକରନ ସାମିଲ ରହିଥିବାବେଳେ ଭେଲୟୁଦ୍ଦାନ(54) ଏବଂ ଶଙ୍କରନ (55) ମଧ୍ୟ ରହିଛନ୍ତି ।
ଅଧିକାରୀଙ୍କ କହିବା ମୁତାବକ, 12 କିଲୋମିଟର ଦୂର ହିନ୍ଦୁସ୍ତାନ ନିଉଜ ପ୍ରିଣ୍ଟ ଅଞ୍ଚଳରେ ଲାଗିଥିଲା ନିଆଁ । ଯେଉଁଠି ନିଆଁ ଲିଭାରେ କାର୍ଯ୍ୟ କରୁଥିବା ସମୟରେ ଏମାନଙ୍କର ମୃତ୍ୟୁ ଘଟିଛି । ମୃତକଙ୍କ ପରିବାରକୁ ବନ ବିଭାଗର ପକ୍ଷରୁ ପ୍ରାଥମିକ କ୍ଷତି ପୂରଣ ଯୋଗାଇ ଦିଆଯାଇଥିବା ବେଳେ ଆହତ ମାନଙ୍କୁ ମାଗଣା ଚିକିତ୍ସା ଦିଆଯାଉଛି ।
