ନୂଆଦିଲ୍ଲୀ: ଦିଲ୍ଲୀର ଗୁଡିୟା ଗଣଦୁଷ୍କର୍ମ ଘଟଣାରେ କଡକଡଡୁମା କୋର୍ଟ ଦୋଷୀଙ୍କ ଦଣ୍ଡାଦେଶର ରାୟ ଶୁଣାଇଛନ୍ତି । ଘଟଣାର 2 ଜଣ ଦୋଷୀଙ୍କୁ 20 ବର୍ଷ ଲେଖାଏଁ ସଶ୍ରମ କାରାଦଣ୍ଡରେ ଦଣ୍ଡିତ କରାଯାଇଛି । ମାମଲାରେ ପିଡୀତା ପକ୍ଷଙ୍କ ଓକିଲ ଦୋଷୀ ପ୍ରଦୀପ ଓ ମନୋଜକୁ ଆଜୀବନ କାରାଦଣ୍ଡ ଦେବା ପାଇଁ କୋର୍ଟରେ ଅପିଲ କରିଥିଲେ ।
ପୋକ୍ସୋ ଆଇନ ଜରିଆରେ ଗୁଡିଆ ଗଣଦୁଷ୍କର୍ମ ଘଟଣାର 2 ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରିଥିଲେ କୋର୍ଟ । ଏମାନେ 5 ବର୍ଷର ଶିଶୁକୁ 24 ଘଣ୍ଟାରୁ ଊର୍ଦ୍ଧ୍ବ ସମୟ ଅପହରଣ କରି ରଖିବା ସହ ଦୁଷ୍କର୍ମ କରିଥିଲେ। ବହୁ ଚର୍ଚ୍ଚିତ ନିର୍ଭୟା ଗଣଦୁଷ୍କର୍ମ ଘଟଣାର ମାତ୍ର 4 ମାସ ପରେ ଏହି ମାମଲା ସାମ୍ନାକୁ ଆସିଥିଲା।
ଏପ୍ରିଲ 15 ତାରିଖ 2013ରେ ଦୋଷୀମାନେ, ଜଣେ 5 ବର୍ଷର ନାବାଳିକାକୁ ଅପହରଣ କରି ଗଣଦୁଷ୍କର୍ମ କରିଥିଲେ। କୋର୍ଟ ଦୋଷୀଙ୍କୁ ପୋକ୍ସୋ ଆଇନ ଅଧିନରେ ଅପହରଣ, ଗଣଦୁଷ୍କର୍ମ ଓ ପ୍ରମାଣ ନଷ୍ଟ କରିବା ଅଭିଯୋଗରେ ଦୋଷୀ ସାବ୍ୟସ୍ତ କରିଥିଲେ। ଦୁଇ ଦୋଷୀଙ୍କୁ ଧାରା 363, 376 ଓ 377 ଆଧାରରେ ଦଣ୍ଡାଦେଶ ଶୁଣାଯାଇଛି।
