ଗୌହାଟି: ପୁଣି ଆସାମର ସୋନିତପୁରରେ ଭୂକମ୍ପ । ଗତକାଲି ଅନୁଭୂତ ହୋଇଥିବା ଭୂକମ୍ପକୁ 24ଘଣ୍ଟା ନ ପୁରୁଣୁ ପୁଣି ଆସାମରେ ଭୂକମ୍ପ ଝଟକା । ବୁଧବାର 6.4 ତୀବ୍ରତାର ଭୂକମ୍ପ ହୋଇଥିଲା । ପୁଣି ଆଜି (ଗୁରୁବାର) ସକାଳୁ ସୋନିତପୁରରେ 2.7 ତୀବ୍ରତାର ଭୂକମ୍ପ ହୋଇଥିବା ନେଇ ନ୍ୟାସନାଲ ସେସ୍ମୋଲୋଜି ପକ୍ଷରୁ ସୂଚନା ମିଳିଛି ।
ଗୁରୁବାରକୁ ମିଶାଇ ସୋନିତପୁରରେ ଏହା ଷଷ୍ଠ ଥର ପାଇଁ ଭୂକମ୍ପ ଝଟକା ଅନୁଭୂତ ହୋଇଛି । ସେସ୍ମୋଲୋଜିର ସୂଚନା ଅନୁସାରେ ସମୟ 2.38ରେ 11କିଲୋମିଟର ଗଭୀରତା ବିଶିଷ୍ଟ ଏହି ଭୂକମ୍ପ ହୋଇଥିଲା । ଭୂକମ୍ପର କେନ୍ଦ୍ରସ୍ଥଳୀ ହେଉଛି ଉତ୍ତରପଶ୍ଚିମର ତେଜପୁର ।
ପ୍ରକାଶ ଥାଉ କି, ଗତକାଲି ଗୋଟିଏ ଦିନରେ ସୋନିତପୁରରେ 10ଥର ଭୂକମ୍ପ ହୋଇଥିଲା । ଭୂକମ୍ପରେ ରାସ୍ତାଘାଟ ଫାଟି ଯାଇଥିବା ଦେଖିବାକୁ ମିଳିଥିଲା । ପୂର୍ବରୁ 1960 ଜୁଲାଇ 29ରେ ଆସାମରେ ବଡ ଧରଣର ଭୂକମ୍ପ ହୋଇଥିଲା ଯେଉଁଥଲେ ବହୁତ କ୍ଷୟକ୍ଷତି ହୋଇଥିଲା ବୋଲି ଏନସିଏସ ରିପୋର୍ଚରୁ ଜଣାପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
